vip_sa :

اسمعي اذا كان مستفزك طنشيه شوي واكشخي وترتبي وزيني جو بيتك بالنظافة والقهوة والسنع . خل بناتك مثل الفراشات بالبيت. البعض سبحان الله مايحس بمعنى سعادة الجو الأسري. استمتعي مع بنياتك وحاولي قد ماتقدرين تتجاهلينه شوي .مو زين لك الزعل ولا راح يحس فيك .خلي كن عندك عزيمة بالبيت والبنات ان سألهم ابوهم يقولون مبسوطين يابوي ، ولو قال وش السبب يقولون وهو لازم سبب يكفي اننا معك ومع امي الله لايخلينا منكم .. خلهم يحوفون بك وحدة تزين شعرك ووحدة تمسج رجولك واتركي زوجك لله . ولله ياجلستك مع بناتك تسوى الدنيا وأهم شي انت خلك حلوة وكاشخه انتبهي تصيرين بقميص مبهذل وكشه . ابيك مرتبة وريحتك حلوة .وثم عقب كم يوم من هالأجواء الحلوة ارسلي له رسالة مرتبة اعجبته او ما اعجبته يكفي انك انت تبردين قلبك وترتاحين . رسالة مضمونها يابو فلان الحمد لله على كل عطا من الله ، انا احب بناتب و اتمنى الولد وجعل عمرك طويل ونجيب الولد .لاتحسس بناتك بثقلهم عليك ولاتحسس احد بهالشي. هذي هبه من الله قابلها بالشكر وعند ربك خير عظيم . اعوذ بالله من اننا نسخط أو نضيق من عطايا الله . ياجعل هباته لنا هبات صالحة بارة وقدامنا عمر الله يرزقنا عيال يفرحونك وهذي كلها ارزاق .. اكتبي رسالة عاد مثل ماتبين لكن لابد تكلمينه بهدوءفيها .بعضهم حوالينه شياطين يحشون راسه بالحكي والكلام المالغ .. ثم عقب الرسالة لاتكلمينه ولا ترسلين شي و انسي انه زعلان وانبسطي والعبي مع بناتك وخليه يشوف بنياتك يلعبون ويرتبون معك وهن مرتبات وخليهن يمسجن رجوله ويتبوسمن له ويمسحن على راسه . احلف لك انه بيعيد حساباته بينه وبين نفسه وحتى لو كان أقشر ، وماراح يقول لك شي لكن بتلاحظين انه هجد وخف وأنت كملي موالك وطريقتك بالسنع . ادعي الله ياخيتي انه يسخره لك ولبناته ويرزقك برهن وصلاحهن ويجيك من عقب هالبنيه ولدين يسعدون قلبك وقلب ابوهم .. . كلنا ندري ان البنات حلوات لكن الوحدة ودها بولد مثل اللي عندها اولاد ودها ببنت .هذا مو كره للبنت او للولد لكن لأنه الانسان يبي الخير .. الله يهون عليك ويقومك بالسلامة وتفرحين وتسمين البنيه وتسمين من عقبها عبد الله ومحمد وعبدالرحمن ♥️ ترى خمسة بنات عادي الحريم كانوا يحملون ١٠ و١٢ مرة بس الحين مدري وش بلانا ضعفنا وصرنا مانكثر عيال . يلله اسفهلي وثم عقب علمينا وش يصير 🩷

اسمعي اذا كان مستفزك طنشيه شوي واكشخي وترتبي وزيني جو بيتك بالنظافة والقهوة والسنع . خل بناتك مثل...

نووووور1234 :

يا قلبي انت حامل والحامل مشكلتها حساسه من اي شيء وهو يعتبر طبيعي مو بيدك لكن انا اشوف ردت فعل زوجك طبيعيه هو يتمنى بعد اربع بنات ولد لكن الله ما قدر وزعل وانا متاكده انه حزن وزعل مو من منك لكن ردت فعل انت اتركه فتره لين يستوعب او بالمعنى الاصح يخلص حزنه وصدقيني ما راح يطول لانه لو معترض على قضاء الله كان تكلم وهاوش وقال كلام ما ينقال وانت مشكلتك ما تقبلتي حزنه والمفروض تواسينه لان في خاطره الولد والبنت نعمه من رب العالمين ويكفي انهن باب من ابواب الجنة وانا اتمنى البنت لكن سبحان الله الانسان ضعيف ما يعجبه شيء ومثل ما قالت vip اكتب له رساله محتواه كلام زين مهما كان ابو بناتك والله يخليه لكم وعاتبيه باسلوب حلو وقولي الي بقلبك وصلي له مشاعرك واطلبي منه بالحمل الجاي انك تحددي الجنس ولد والله يرزقك بتؤام اولاد والله يهون عليك ويسهل

يا قلبي انت حامل والحامل مشكلتها حساسه من اي شيء وهو يعتبر طبيعي مو بيدك لكن انا اشوف ردت فعل...