حامل او ولدتي صار تلك كربة ثم انفرجة تعالي اقولك وقوليلي

يعني الحين واحد وستين مشاهده ولارد الله يالبخل ههههههه ابقولكم الموقف يمكن تحنون وتتفاعلون انا وانا نفاس في بنتي الاولى صارلي نزيف اثناء الولاده هذا غير الالام الله لايوريكم لاوبعد الدكتوره نفسها قشرى غير تصارخ المهم بعد ماطلعت من المستشفى وماعلي الا العافية والالام الخياطة كانت قوية ومرعبة بالنسبة لي اخذت عشرة ايام وكنت ارضع بنتي من صدري بس بعدين كل مارحت للحمام اكرمكم الله المس شي خشن زايد من تحت الا اجيب المرايه وابى اطالع واشوف شي احمر خارج مني والله لايوريكم اقعد ابكي وبكي افكره الرحم واروح للمستشفى وارفض الكشف من تحت خايفة من الخياطة وبعد صولات وجولات اروح لدكتوره خاصة نفسها هينة الاتسحب ذاك الشي وتلاقها قطنة ملفوفة بشاش وصارت حمرا لاوعفنت وكانت راح تسبب سرطان لو طولت واخت مضادات ومعقمات طبعا الدكتورة اثناء التوليد نستها ولا قالت ولا انسى ان الفضل لله اولا واخرا لاني اول ماشفتها في المرايه قعدة ليلتين ادعي ان الله يهونها علي تعبت من الكتابة الله الله بالردود السنعة

الحمدلله على سلامتك يالغاليه...انا ماصار لي مواقف الحمدلله ..بس طبعا النفسيه الزفت والعصبيه الشديده مع الحمل...الله يعين

انا في بكريتي مريت بموقف يارب لك الحمد انه فرجها علي

كنت بكريه ولا ادري وش الولاده

واللي زاد الطين بله كان فيه ممرضات حبشيات يخووووفن وكانت وحده منهم قاسيه جدا ومرعبه وتضربني وتصارخ علي اذا

صارخت من الطلق وربطتني على السرير وتقول لا تتحركين حسبي الله عليها

لو خلتني امشي بالمدخل يمكن بتهون الولاده

المهم بعدها جتني ممرضه فلبينيه أحسن من الحبشيه صح انها مو مهتمه فيني بس ارحم من هذيك القشرا

بعد كذا تعسرت ولادتي وجلست مربطيني بالسرير والاجهزه حوالي 12 ساعه والله بغيت أموت واخر شي وقف الطلق

والبيبي ما نزل جت الدكتوره وشيكت علي قالت عمليه لان ما في طلق والمويه خلصت والبيبي بيموت

طبعا ما صدقت انا وطلبت من زوجي يوقع على العمليه ودخلت غرفة العمليات والحمد لله ولدت بنوته قمرر والحمد لله على كل حال

(( موقف محرج حصل لي في اخر الطلق اذكر انهم طلبوا مني اني ادف علشان ينزل البيبي بعدين راحت ممرضه ونادت على زوجي قالت تعال شوف بيبي اطلع حسبي الله عليها احرجتني ودخل زوجي ما يدري وش السالفه طبعا انا بكريه واستحيت وطلعته برا واعتقد ان هذا هو السبب اللي خلا الطلق يوقف لاني ارتعت *_* ))

الله يعظم اجرنا
من جد الولاده تعب
ومادري ليش الممرضات ينافخون علينا
ويعاملونا معامله سيئه
ابي اعرف السبب
يعني مايفكرون انه بيجي لهم يوم مثلنا طلق وتعب او احد خواتهم او بناتهم ..
والمشكله انهم بمستشفياتنا
الله يعين بس ..

يوووه نجديه موقفك صعب وجع على ذا الحبشيه لو انا مكانك شكيتها لاداره المستشفى
انا اتعسرت ولادتي طولت يومين طلق خفيف بس مترقده بالمستشفى لاني طوفت الموعد
المهم بعد جهد جهيد ولدت ميشو ربي يكحل عيوني بشوفته عريس قولوا امين ..
المهم من طلعت من المستشفى ورحت اهلي طاروا فيه من الفرحه
وبالليل كان الكل نايم وانا نايمه وميشو جنبي بسريره صحيت اتطمن عليه لقيت المفرش كله دم تخيلوا مستفرغ دم
وميشو نايم مت من الخوف وصرت ابكي ولا قادره اوقف من الخياط وجاني مغص
رحت اقعد امي وابوي واقول قوموا وليدي مات وابكي وابوي يقول اهدي يابنتي مافيه شي
وهو يبلس ملابسه بشويش عشان يوديه من المستشفى وانا اصرخ عليه اقول منت مهتم اسرع لو ولدك كان اهتميت
(الله يقطع لساني زعلت ابوي بدون مااحس بس من الخرعه قمت احوس)
راحوا وماخذوني وانا ذبحني الصياح وادق وماترد امي وابوي مايرد مت من الخوف ونذرت نذر لو طلع سليم بذبح كبش لوجه الله
ودق ابوي وقال مافيه شي هذا دم شربه يوم نزل من دمك مو دمه لانه حللوا الدم طلع دمي انا وثقل على معدته واستفرغه
وماصدقت الين كلمني الدكتور وجو للبيت حظنته وارتحت وعرفت غلاه الضنى واتأسفت لابوي
ورحت ثاني يوم رقدناه لان طلع فيه صفار