حامل بالاسبوع الخامس مع نزول دم وكيس الجنين

السلام عليكم ورحمة الله وبركاته
انا حامل بعد تأخر عشر سنوات وحمل انابيب
والان بالاسبوع الخامس وثلاث ايام اليوم الظهر حسيت مغص قلقت منه شوي وخوفني لكن انسدحت ونمت بعد ما صحيت دخلت الحمام ومسحت بالمناديل وحصلت دم احمر فاتح ومو قليل يعني معبي المناديل
انفجعت ورحت المستشفى واول شي عملته الدكتوره عطتني ابرتين تثبيت وعملت تحليل حمل هرموني واعيده بعد يومين.. وعملت لي سونار قالت كيس الحمل موجود لكن نازل ومتحرك عن مكانه الطبيعي والرحم مسكر الحمدلله لكن لازم ترتاحي مع العلم انا مرتاحه لكن هاليومين تحركت حركه بسيطه جدا ... وما زال الدم ينزل مني...
والادويه اللي اخذها جوسبرين وتحاميل وفوليك


وانا عندي موعد بعد بكره الاربعاء مع دكتوري اللي عملي العمليه بيفحصني اول فحص بعد ما حصل الحمل... بلغته باللي حصل لي ولزم علي اجي بموعدي ويشوفني
وانا خايفه من السفر وضغط الطياره
والان انا بقلق ما يعلم به الا الله وبانتظار نتايج تحليل الحمل الهرموني
سؤالي من حصل لها مثلي وتم حملها ؟ وهل الراحه ترجع كيس الحمل مكانه الطبيعي ام ان الكيس اخذ مكانه ولا يرجع ؟
وهل نزول الدم ممكن يكون بسبب جوسبرين لان انا اصلا معي سيوله بالدم ؟
وهل السفر خطر علي بهالوقت ؟ او اروح لدكتوري ويشوفني بنفسه افضل ؟