حامل بالتاسع وزوجي يدعي علي بالموت

كما في العنوان
زوجي متغير جدا من ناحيتي لي عشر سنوات متزوجة وعندي اطفال
وطبعي هادئة وقنوعه واخاف الله عز وجل تجاهه
حصل لي موقف اليوم انه قلت لو بموت وش بيسوون اعيالي
من دوني
قال (يارب متى يجي ذاك اليوم )
بصراحه انا انصدمت
بس على طول حمر وجهه وقال استغفر الله امزح معك
والله بنات اول مره يدعي علي قدامي كذا وحسيت انها كلمته هذي من زمان
بلسانه
انصحوني وش اسوي
والله لي فترة ادعي بصلاة الوتر ان ربي ييسر لي امري معه
ان كان يبيني يتعدل وان كان مايبيني يطلقني بالاحسان
بدون مشاكل
وتعرفون الي تطلب الطلاق من زوجها حرام عليها رائحة الجنة
وهو مصلي وملتزم لكنه مايحب الاطفال والمسئوليه راميها علي
رمي دون احساس
ابغى نصيحتكم
وانا حامل بالتاسع الحين احتاج لرعاية نفسيه لكنها معدومة مره ....الله المستعان
والي تقرا موضوعي رجاء لاتدعي عليه او رد غير لائق لانه هو حسابه عند الله