حامل بالتاسع ومنهارة من الي شفته بجواله

السلام عليكم ورحمة الله

انا متزوجه من 11 شهر وحامل بالتاسع
زوجي حالته الماديه ضعيفه بس مايقصر علي بشي يبي اي شي يسعدني ..

المهم ان زوجي حاط رقم سري في جواله .. ومااااعمري من تزوجنا فتشت جواله لان حاس قلبي ان فيه بلاوي ...

وامس جالسه على لابتوبه واهو حط سلك الشاحن عشان يشحن جواله في الابتوب وراح الحمام وطلعت لي ملفات استغربت قلت وش هالملفات بفتحهم وفتحهم ويااااااااليتني مافتحتتتتهم :44:
وهو جا من الحمام واحس مرتبك وشال السلك .. شكله تذكر ان عنده صور دعارة

المهم شفت فيه صور بنت مصورة نفسها في غرفتها وصوره ثانيه انواااع الفسااااد مصورة صد... ومؤخ... وكل شي قذر فيهامصورته
وربي لاعت كبدي ..

احس قام يسوسوس لي ابليس ان هالبنت يعرفها
للعلم ان زوجي من اول ماتزوجنا لغاية الآن ولاعمري شفته يكتب بالواتس اب 24 ساعة يلعب العاب بايخه
ومره احتجت موبايله عشان ادق على امي وعادي فتحه وقال دوري اسم امك ودقي وماشفت اسم بنت ..

هذي منهي البنت الوسخه تتوقعون

ومسويه حركات استهبال بوجهها ومحجبه مدري ليش يجني وسواس ان يعرفها

كيف اتأكد؟
على فكره ماعرف رقمه السري وكل مره ابي اثبت وهو يفتحه ابي اعرف كم بس ماثبت ..

احس اني خااامله وتعبااانه وثقيييلة وفوق هذا اشوف صور بنات فاسدة ..
وتعرفون الحامل آخر الشهور مالها نفس شي ..
اهم شي ريحتي وشعري وشكلي ..نادر البس شي مغري احس مالي نفس لاني يالله اشيل نفسي :(
وخصوصا هالاسبوع تجيني دوخه كني بطيح من طولي

هل برايكم اقوله او اطنش الى بعد الولاده

لاني اخاف اقوله بيرد علي ليش تفتشين جوالي وبتصير سالفه كبيرة وهواش لان بيحط اللوم كله علي حتى لو هو غلطان
مع ان يعلم ربي مافتشت جات الملفات بالصدفه