حامل بالثامن ولا عندي شغالة

معقولة 58 مشاهدة ومافي رد 😭😭

انا قبل شهرين وولدت ونفس وضعك طالبه واني جاءت عندي يومين ومشيت بس الفرق ماعندي طفل سابق
في البدايه كان كل شي تمام الين السابع ..
حطي اول قاعده اهم شي الدراسه والمذاكرة وكل شي ملحوق عليه ليله الاف امسكي شي تنظيف عميق مثلا المطبخ وخلصي وبالنسبه للبيت خصصي ساعتين يوميا مو اكثر ترتيب خفيف مواعين غسيل ملابس كنس مو اكثر ومو لازم تكون متصله انا مثلا كانت محاضراتي ٩ كنّت اصحى بعد الفجر اسلق اللحمه او الدجاج واسوي الايدام وارفع اغسل حمامات واتجهز واروح ارجع احط الغداء ومواعين بلاستيك وارمي وانام اصحى اذاكر قبل ولادتي فرزنت وزعت ب اكياس مسلوق لحم ودجاج وخضروات ووزعتها ب اكياس في الفريزر حق اسبوع تقريبًا وسويت التمره وعلمت زوجي كل يوم يجيب لي خبز بر جاءت امي م كلفت عليها تسلق لي الصباح بيض وحليب اشربه بالفلفل الظهر اتغذا المرق والخبز الخضراوات عشاء الليل وامي يوميا زوجي يجيب لها غذاء من برا لها وله ماتطبخ ووتتعنى الا اذا اشتهت شي وخذيت فيتامينات وقشر قهوه بعد عشر ايام داومت بالجامعه الحمدلله

ماشاء الله عليك
الله يسعدك ويوفقك يارب
كلامك جميل كله ايجابية
أشكرك على الرد

الله يسهلك حبيبتي
اول شي وأهم شي جيييييبي شغالة بالساااعة
وخليها تجرررد البيت لك جرد من الى تنظيف عميق عشان يتسهل عليك البااااقي
حددي يومين للغسيل عشان ماتتراكم
زوجك اثووابة يوديها المغسلة غسيل وكوي
بنتك لاتعطيها عصيرات ولا أي شي ينكب خذي لها كوب مصاص من الصيدلية للعصيرات والحليب ورفعي عنها كل شي وقفلي باب المطبخ
المواعين خذي بلاستيك من اكواب وصحون وملااااعق تلمي السفرة مرة وحدة وع الزبالة
ركزي ع اختباراتك وخلي زوجك يساعدك بالبنت والأكل يجيب الغدا جاهز ترتااحي العشاء نواشف
حددي في كل ساعة خمس دقايق تقومي بمهمة مثلا الساعة ثلاثة العصر خذي منها ٥ دقايق تنظيف سرررييع للحمااام
الساعة ٤ العصر ١٠ دقايق ترتيب سررييع للصالة والكركبة
الساعة ٥ العصر عشر دقايق ترتيب للمطبخ وغسل مواعين الغدا
وهكذا لاتراااااااكمي الشغل ابد عشان ماتتعبي

مدري عن وضعك اذا يسمح بخدامه بالساعات
اذت ببيتك
اول شيء اذا قرب التاسع البيت منظف تنظيف عميققق
مجهزه ملابس الطفل الجديد
مجهزه سريرك
مجهزه مكان قريب منك فيه اللي تحتاجين
مثل حفاظات . عود اذان . كريم . معطر . ملابس ٣ مثلا
كامله براتوز واللبس بجامه ووو اللي تحبين
فرشه . من الى لوازم الطفل
اسهل لك تغيرين له بسرعه
اغراض الرضعه . ماء والحليب وماء حافظه حار
الحمام مجهزه فيه كل اللي تحتاجين انتي
فوط . وكريم للجرح وكذا . مناديل . مسحه طبيه اذا تحتاجين
اغراض البيت نظافه كلها من صابون ومناديل مطهرات . واللي بالثلاجه . واللي تتفرزن
اذا يزورونك ظيوف تجهزين غرفه والترامس وو والظيافه اللي ماتخرب
لبسك للظيوف جاهز
بعدين
الاكل حقك
المشروبات . جهزي ترامس للشاي والقهوه . واكواب
خاصه فيك عشان ماتختلط بحقات البيت لان تطبع الريحه والطعم
جهزي بعلب وتكون قريبه منك علبه لكل من
فلفل اسود مطحون. قرفه مطحونه . فلفل ابيض مطحون
كمون مطحون
حبه سودا حب . يانسون . شمر . زنجبيل . مسمار
قهوه النفاس وشاهي النفاس يجي من حرمه ولا جاهزين
حلب حب ومطحون .
رشاد .
الكميه انتي اعرف بنفسك
ماش مطحون شوي وحب اذا تحبينه للفطور اخر النفاس
مره عشان الشمم
سكر نبات للطفل واسهل لك مطحون
هذولي قريبين واللي طحن واللي حب
وعاد مدري اذا شيء ناقص ماذكرته
قهوه وشاي وسكر للبيت والظيوف
تمر عادي
وتمر النفاس قسميه كل يوم بيومه وحطيه بعلبه مع بعض ولا بااكياس كل يوم طلعي حسب حاجتك
خبز تنور . ومراهيف ومصابيب احسبي شهر او حق اسبوعين اقل شيء
باقي الايام اشتري جاهز
او اذا ماتحبين من الجاهز سوي بالبيت
قسمي كل يوم عدد حق اسبوعين
اغراض الفطور مجهزه وتكون متوفره بيض . تونه . فول . عدس . زيتون . جبن . عسسل افضل شيء طبيعي ماتوفر العادي . طحينيه . مربى . لبنه
جبن مثل ماتحبين حلوم . قريش .اللي تحبين
فول سوداني .
شابوره بر او عادي . بساكيت . معمول .
اذا تحبين الفول تصليح بيت سوي وفرزني كميه
الفريزر
مثل ماقلت مصابيب مراهيف خبز تنور تاوه
و
اللحم مقسم شيء مع الاكل اللي مثل مطازيز او مرقوق اوالحميس
او اكلاتكم
وشيء للمقلقل
او دجاج مقطع ومكيس
جيبي خظار مجمده . شيء مشكل . وبازاليا . فاصلويا
طحين بر. زبده . حسب الااكل
اغراض وخضار وفواكه . اللي تحتاجون
حتى صحن الفواكه خلي قريب منك بعد ماتطليعين
يعني اللي تحتاجين
عشان يكون كل شيء جاهز ومتوفر لك خاصه ان تقولين امك بتجي
قلت كذا لان فيه حريم تولد وتطلع البيت فاضي
وتتعب اذا طلعت جلست ترتب فيهم

يصير فطورك الحمد لله مجهز بالفريزر مثل فول تطلعينه وتحمينه . عسل زيتون بيض
كراث
تمر النفاس . ومراهيف
اذا جت امك تسوي كميه كبيره وتقسم القدور ل٣ ايام
وتفرزن بس تطلعين وتحمين
خاصه الغداء
الباقي العشاء محلول
او اذا تعرفين حريم اطلبي منهم حسب قدرتك حق اول اسبوع . اثنين
كل شيء اهم شيء حق اسبوعين والحمد لله بعدها بتكونين كويسه باذن الله لو طبيعي
عاد اللي ذكرت كلن وميزانيته وظروفه
وصح كثير اللي قلت بس الكميات قليله مو كثيره
لو بديتي توفرينهم بالثامن بيجي التاسع بااذن الله كل شيء متوفر
واما الغسيل والتظيف حسب ماتقدرين بعدين
الغسيل كل يومين . الا الشيء اللي ضاروري
وبنتك العابهاحطي لها لعبتين وبس
عوديها ترمي المناديل بالزباله
ورتبي لها ماتحتاج ولعبتين جدد عطيهم اياه بعد الولاده
روحي ابو ٥ تطلعين منه بكذا لعبه
ممكن تظبطين بيتك شموع فواحه وطايه وزينات من ابو ٥ عشان نفسيتك
ومفرش ملابس لو من البيت المفرش
حسب قدرتك لو قطعه قطعتين
والله يسهل عليك
وسهليها تسهل والعكس