بنات انا عندي ولد وحامل الحين بنهاية الرابع
ابني ولد خديج بسبب انو كيس ماية الجنين انفتح في الاسبوع 28 يعني السادس
ظليت في المشفى شهر وبعدين ولدت بالاسبوع 32 يعني السابع
المهم هالشي صار من 5 سنين ..ووقتها قالولي انو بسبب التهاب البول ولدت قبل الموعد
اليوم رحت عملت سونار.. وقالي الطبيب انو عندي تشوه في الرحم مشان هيك انفجر كيس الموية قبل الاوان في حملي الاول وانو ممكن يصير نفس الشي في الحمل الثاني كمان
وهذا شكل التشوه لاحظو الانبعاج اللي في الاعلى
سؤالي مين تعرف حالة صارلها هيك وكملت الحمل للاخر...وهل فيه احتمال اني اجهض لاني شفت حالات في النت أجهضو في مراحل متقدمة من الحمل لهالسبب...
بنات ارجوكم ادعولي اكمل حملي للاخر يا ربي ....انا جربت الولادة قبل موعدها بتأثر على الطفل وعلى نموه الذهني والحركي ما بدي نفس التجربة تنعاد في هالحمل كمان
واللي ما عندها معلومة ياريت ترفع الموضوع لحتى يشوفوه اكبر عدد ممكن من المشاهدات