حامل بالشهر الثالث..عادي أنام على بطني؟؟؟

حطي جنبك مخده علشان لا تقلبين وانتي منتي حاسه

تسلمين يالله حيها


بتبع نصيحتك

بس ماجاوبتيني يالغالية

النوم على البطن له مضرة على الجنين؟؟

انا انام على بطني الى قرب الخامس احس عادي

والله يا اختي ما ادري بس احسه يخوّف .. لا تنامين احسن علشان تتعودين للشهور التاليه لأنك من نهاية الرابع لازم ما تنامين الا على جنبك .. والله يتمم لكم على خير ..

السلام عليكم ورحمة الله وبركاته الله يثبت حملك ويتمم لك على خير ويرزقك بالذؤية البارة الصالحة السليمة دينا وخلقا وخلقة اللهم آميييييييييييييييييييين
بالنسبة للنومة الدكتورات في المنتدى يقولون من بعد الثالث او الرابع مايصير تنام الحامل على بطنها بس مو متأكدة من الرابع او الثالث وفيه وحدة من الخوات اللي في المنتدى كتبت مرة نقلا عن دكتور معروف ان الحامل باستطاعتها النوم بأي طريقة تريحها لأن البيبي محاط بسائل ومحمي وما راح ينضر بطريقة نوم الأم . انا بصراحة ماعرف انام الا على بطني وكله أمي تهاوشني وتقولي حرام عليكي بتذبحين الياهل وتفقصينه فنصيحة لكي سواء ممكن تنامين على بطنك كحامل او لا احسن لك تعودي من الحين النوم على أحد الجنبين من الحين لأنك بعد فترة ماراح تقدرين تنامين على بطنك لأن بطنك بتكبر وبيزيد الثقل فعودي نفسك من الحين أحسن ان تغرين طريقة نومك بغض النظر اذا ممكن تنامين على بطنك أو لأ. علاوة على هذا اراء اللأطباء متضاربة فابعدي عن الشر وغنيله مثل ما يقولون ودع ما يريبك الى ما لا يريبك يا حبيبتي :)