حامل بتؤائم وابيكم يأمهات التؤائم بكلمة راس......

حبيبتي ما شاءالله عليك والله يقومك بالسلامه ...
ونصيحه مني وانا قبل كذا جبت تؤم لكن الحمدلله كبار الحين الله يحفظهم ...لا تخلينهم قدام الناس وقولي نايمين وجيبي واحد وخلي الثاني اذا اصرو ...ولا ترضعيهم قدام احد ولا تاخذين لهم نفس الون في الملابس ابد ...وخذي الوان محايده افضل ...واهم شي تحصنيهم ونفسك كمان لان العين حق وانا اختك .......وياقلبي قليلي زياراتك للناس وانتي شايلتهم مو زين الين يكبرو على خير ولاحقه ...والله يحفظلك ولي يارب .....

اقري عليهم الورد اليومي وعادي اللي يقربون لك مررره طلعيهم

واللي بعيدين عنك طلعي وحده


وقولي الثانيه نايمه


بالنسبه للملابس لا تشترين زي بعض الا لبس اسقبال لضيوفك المهمين فقط زي مثلاً اهل زوجك


اما غير كذا تجمعين من كل لبس ثنين مو حلو شكلي لهم


ولاتكثرين مخمل خليها شويه بس كثري قطنيات لان المواليد ملفوفين بمهادات ولحاف ما راح يبردون كثير ان شاء الله


والتجهيز لازم دبل لانهم ثنتين الله يجيبهم لك بالسلامه والمواليد عادته يستهلكون الملابس كثيرررر



بالنسبه للأسماء

دوري اسمين قريبين من بعض

يعني لايقين على بعض



انا ولدت بناتي بمستشفى دله مرررره كويس وممتاز وروعه


والله يقومك بالسلامه ويفرح نظرتك ببناتك ويخليهم لك وتذوقين برهم وصلاحهم وتقواهم

وعقبال تجهزينهم عرايس يارب

هلا وغلا
الله يهون عليك يارب ويقومك بالسلامه ...
انا لي 20 يوم من يوم ولدت وجبت توأم بنت وولد ..
طبعاً التجهيز كله كان وردي وسماوي ماعدا بعض الأشياء اخذتها سكري عشان إذا ابي اشكالهم سوا
طبعاً انا شريت لهم سرير وخليته في غرفه داخل مايدخلون فيها الحريم
ولما يجونا ضيوف اطلع واحد منهم ..
ماطلعتهم مع بعض إلا للأقارب ..
والتجهيز ابدأي دامك عرفتي جنسهم لأن من الثامن خلاص الحركه صعببببه مرررره ...
والله يكون بعونك على حملك وتربيتهم وربي تعب ومافيه حتى نوم معاهم هذا ينام ويصحى الثاني لكن لاتنسين الدعاء ان ربي يقدرك على تربيتهم...
ولاتنسين التحصين والاذكار واعذريني إذا مافدتك لكن ان شاء الله امهات التوائم إللي عيالهم نفس الجنس يفيدونك اكثر ..

ما شاء الله تبارك الله
الله يعينك حبيبتي
حبيت ارفع الموضوع

**** يبارك لك فيهم ويقومك بالسلامة انا اؤيد كلام الاخت لولو ليوني لاتلبسين زي بعض وحدة وردي وحدة بيج او سماوي حطيهم في غرفة لحالهم واقري عليهم الاذكار والمعوذات وحطي جنبهم الجهاز اللي تسمعين صوت الطفل وانت في غرفة ثانية تكون سماعة يمك وسماعة جنب الطفل والحين فية جهاز صوت وصورة ولاتطلعينهم مع بعض طلعي وحدة وقولي الثانية نايمة او عند أبوها انا جبت توأم أولاد وحطيتهم معي في الغرفة كل من جاء شافهم وارضعهم قدامهم والنتجة واحد من عطية صدري مايرضى كني معطتة شي مر مايقدر ويصيح من بطنة لانهم يقولون لي **** يعينك كل خمس دقايق ترضعينهم من انهم يمسكون وينامون علية
جهزي مبكر ماتدرين يمكن تولدين مبكر انا ولدت بعد الثامن لكن الحمدللة كنت مجهزة كل شي قبل تقريبا في السادس وانا اجهز شتري ملابس قطنية والاسامي قريب من بعض مثل مي وضي /وفي ومي /شجون وغسون **** عليك وعلينا يارب وجميع الاخوات امين