حامل بتؤام..واحتمال تقرر الدكتوره ولادة مبكره..من صار لها مثلي

السلام عليكم

مرحبا بنات

كيفكم ان شاء الله بخير وعافيه....

بنات اكتب هالموضوع وانا اتمنى ان القى عندكم اجابه تريحني

القصه ومافيها

انا حامل بتؤام بنات ومسويه ربط لعنق الرحم وملزومه بالراحه وعدم الطلعه والله لا يوريكم التعب والحاله والنفسيه انا لي 6 شهور ونصف حامل ((يعني اخذت اسبوعين من الشهر السابع))

امس رحت لدكتوره...ولما سوت الأشعه

قالت لي الفرق بينهم في الوزن 500 غرام...طفل900 والثاني1400
المفروض ان الفرق بينهم يكون في حدود 100 إلى 200 غرام

وسوت لي اشعه ثلاثيه...وقالت ان الدم اللي يوصل لهم مثل بعض...
وان المشكله بالطفل الصغير...نموه متأخر مره وانه احتمال يتوقف نموه...واعطتني موعد بعد اسبوع قالت اذا ما زاد بالشكل المطلوب لازم نولدك لأنه خطر يموت في الرحم..


انا رجعت للبيت وراسي يعورني...ما ادري هل كلامها صحيح ....ولو قالت الاسبوع الجاي لازم توليد اصبر واطلب منها مهله ولا وش اسوي...

انا مؤمنه بقضاء الله وقدره والله يكتب اللي فيه الخير بس انا اخاف الولاده تكون خطر عليهم كلهم حتى الطفل الكبير ما يتحمل الولاده المبكره....بس ابي احد يفيدني بتجربته...او تجربة شخص يعرفه


ارجوكم انا في انتظار ردودكم