مرحبا...
أنا كنت حامل بتوأم و ولدت طبيعي (مرتين!!) و لله الحمد..لا تخافين..ان شاء الله بينقلبون على روسهم..بنتي اللي انولدت أول انقلبت على راسها في أول يوم في الثامن..و الثانية انقلبت بعد أسبوعين من الثامن..
و القيصرية مو لازم تكون أحسن للي حامل بتوأم إلا إذا كانت الأم في حالة خطيرة..أو البيبيات مويتهم قليلة..لكن إن كان كل شي تمام..فحاولي تسوين الاشياء اللي تقلبهم على راسهم و أهمها انك تنامين على جنوبك..لا تنامين أبد على ظهرك..(أصلا ما أتوقع فيك حيل تنامين على ظهرك!!)..احبي زي الأطفال على ركبك و إيدينك زي ما قالوا لك الأخوات..اختي والدة من شهر و ما انقلب النونو و هي مخلصة نص التاسع..قالت لها الدكتورة الحبو أفضل شي و نامي على جنوبك..و أمشي و أطلعي الدرج لما تخلصين الثامن..و كل شي بيصير تمام بإذن الله و الله يسهل عليك..أنا ولدت في أول يوم في التاسع من كثر ما سويت هالأشياء..

ماشاء الله تبارك الله الله يحفظ بناتك ويخليهم لك الله ييسرلي ولجميع الاخوات
بغيت اسال متى اروح لأهلي باقي لي اسبوعين واخلص الثامن\ وانا ولادتي بتكون في جده عند اهلي ومحتاره ماودي اسافر واخلي زوجي هنا من بدري اخاف اتأخر هناك وانا أستنى

مرحبا..
تخافين تتأخرين هناك و انتي تستنين الولادة؟؟؟؟!!!!!!!!!!!!!!!

الله يسهل عليك و يرزقك بنونوات حلوين توأم..ما راح تطولين أصلا..ان دخلتي في التاسع فهي أيام معدودة و بتولدين بإذن الله لان التوأم عادة ما يجلسون عادة أكثر من أسبوعين في التاسع..و أغلبية الحوامل يولدون في أول أسبوع..أنا قال لي الدكتور إن دخلتي في التاسع ابدي مشي و راح أتوقع انك تولدين إذا مرة اتأخرتي بعد أسبوع من التاسع..و إذا كنتي حالة نادرة و خلصتي أسبوعين من التاسع فراح أعطيك طلق صناعي عشان حالتك تعتبر خطيرة لو بتظلين تشيلين هالبطن الهائل!!! وولدت و لله الحمد في أول يوم في التاسع..
روحي لأهلك بس و تيسري ما راح ينفعك غيرهم..و لا راح يهتم فيك و في النونوات غيرهم...ترى فترة النفاس عذاب وما شاء الله التوأم يبغى لهم جهود مضاعفة ..ما بتقدرين عليهم لحالك..أصلا بتكونين بكرية وكل شي جديد عليك...الزوج حتى لو حاول ما راح يفيدك زي أهلك..أنا ولدت عند ماما..أنا ساكنة في نفس المدينة معهم..بس زوجي كان عنده دورة عمل في مدينة ثانية ذاك الوقت..(أِشوى فكة!!)..حضر ولادتي طبعا و راح بعد يومين ووقتها انا كنت في المستشفى و طلعت لبيت أهلي..رجع لي زوجي بعد أسبوع.. و قضيت يومين معه في بيتنا لحالنا..قلت نتونس مع بناتنا لحالنا...بس بصراحة...تعذبت هاليومين..و تعبت..والله ندمانة لين الحين (صار لي سنة والدة)..ما يستاهل انك تجازفين بصحتك و راحتك عشان كم يوم..أصلا زوجك أتوقع يبغاك تروحين عشان خايف عليك..بس انتبهي على نفسك من السفر..

الله يتمم حملك وتقومين بالسلامة