حامل بدون ما أدري

حبيت أشاركم قصتي و باختصار و اتمنى أن اكون افدت اخواتي الحوائيات ..
انجبت ٣ أطفال الاول و الثاني طبيعي و الطفل الثالث قيصري
و اكلت المانع لمدة سنه و جلست ٧ سنوات ماحملت أبداً ...
قررت أفحص و أحلل و أبحث عن الأسباب و الا معي تكيسات و بعد شهر راحت ...
ماصار حمل ...
توفي أبو زوجي بشهر ٨ و قمت بعزاهم ٣ أيام من توزيع و تنظيف و تجميع و تكنيس و أقهوي المعزين و اهتم بعيال خوات زوجي من اكل و شرب واذا نقص شئ كلمت اخواني يجيبون ( لأن أم زوجي و بناتها حيل متأثرات بوفاة عمي ) و جتني حرمه كبيره بأخر يوم بالعزاء و دعت لي ان الله يرزقني بالذريه الصالحه و تشكرني أني اهتميت بالعزاء و بالضيوف ...
و فجأه بارادة من الله عزوجل ٧ رمضان عام 1439 هجري تعبت و صار معي اوجاع و نزيف الا اطلع حامل و كان ضعيف سبحان الله ، لو تشوفوا فرحتي و فرحة زوجي و اهليتنا قاموا يبكوا و قرايبنا ... فرحه لا توصف ... اي بعد وفاة عمي بشهر ...


و في تاريخ ١٩ شوال زاد النزيف وادخل المستشفى الا لازم يعطوني طلق صناعي و ينزل الجنين مافيه نبض و فيه خطر على صحتي ...
اللي صار بعد الطلق (( أنا أسفه جداً على الوصف )) نزل مني قطع مثل الكبد كبر كف اليد و بعضهن نصف الكف و بكميه كثيييييييره جداً من الساعه ١١ صباحا الى ٥ العصر و بعدها سووا لي عملية تناظيف ....
هنا الدكتوره تقولي : كان عندك بالرحم تكدسات دم فاسد سماكته ٢ سم وكان هو السبب عدم حملك كل السنين الماضيه ... و ذلك بسبب اهمال نفسك فترة النفاس و الحيض ...
و لله الحمد ربي عوضني بعدها ب ٣ شهور حملت و جبت بنوته نثل القمر .. و بعد سنه حملت و جبت ولد حملت فيهم بدون اي مشاكل ولله الحمد ....
لذلك أخواتي الغاليات فترة النفاس و الحيض لاااااتهملن انفسكن اشربن دافي و كلوا و تدفوا ...