حامل بس .......

كيفكم كروشات
حبيت اسولف معكم شوي واستفيد منكم
انا الله يسلمكم ولدي بيكمل سنتين ان شاء الله والدته قيصري
واللحين حامل
بصراحه تضايقت كثير لكن الحمدلله
لني كنت اعزل وقبل كنت استخدم حبوب المهم طلعت حامل بدخل الثالث ان شاء الله
وتوني اكتشف
وقبل شهر رحنا مكه وكان وقت دورتي واخذت حبوب تاخير الدوره وركبت طياره
وكنت احس باعراض الوحام بس اكذب نفسي واقول عشان الدوره متاخره
بس احمدلله اعراض خفيفه يعني شوي دوخه وصداع وشوي غثيان بدون استفراغ
المهم بعد ما اكتشفت اني حامل واروح الدكتوره وتحسب لي عاد رحت لثلاث دكتورات لاني خايفه من الحبوب تأثر عالجنين
وكل وحده تعطيني كلام
المهم قلت بتكل على الله وهو خير الرازقين
بس يابنات صراحه فيني وسواس وبسأل كم سؤال واللي تقدر تجاوبني الله يجزاها الجنه
انا بحملي الاول كان وحامي شديد مره وكنت استفرغ كثير وهالمره احس بحومة كبد لكن ما استفرغت الحمد لله هو شي كويس بس احيانااقول اخاف الحمل فيه شي
هل الوحم يختلف من حمل لاخر؟ وهل يختلف باختلاف نوع الجنين
ووهل لازم اعلم امي اني حامل
لاني بحملي الاول علمتها برساله واحس انها شانت نفسها يمكن لانها تستحي بس تراي انا استحي بعد
ووش بعد ولله كان عند اسئله كثيره بس مدري وين راحت اذ ذكرتها برجع اسالكم
الله يسلمكم