حامل بطفله وزوجي زعلان

السلام عليكم

ماعرف شو اكتب قلبي مكسور
ودموعي علي خدي

انا من ايام الملجه اقول له انا احب البنات وهو يقول فديتهم
بس من فتره يقولي ابغي ولد يشيل اسمي
واليوم سويت سونار وقالتلي الدكتورة انه بنت
انا فررررررررحت
وهذا اول حمل لي
وهو حسيته تحطم وابتسم ابتسامة مجامله وسكت
حتى قالي ماله داعي نرجع نشوف بالسونار الملون
مب متشوق يشوفها
حتى ابوي يقوله لا تزعل لانه كلمه ويبين من صوته انه متضايق
كل اصدقائه اول خلفتهم اولاد بس هذا من الله مب مني
والبنت حنونه وتحب ابوها اكثر
وان شاء الله نيب غيرها ويكون ولد
يقولي لما طلعنا من العياده في مجال يكونون غلطانين....... يعنى ياربي شو اسوي انا :44:
وانا العياده الي رحت لها مو عيادتى اللي اراجع فيها
يقولي لو رحنا المستشفي الثاني لا تقولين انه بنت بنشوف شو بيقولون لنا

موقف بايخ وشعور مب حلو
شفت الهنود اللي اشكالهم مب مسلمين وجنسيات اسيويه
الاباء كل واحد شايل بنته بحب وفرحه
وانا بعدها في بطني وهو كارهها
واصلا انا فبيت اهلي نحن بنتين بس والباقي كلهم اولاد
واخوى تزوج وعنده ولد احس البنت اضافه حلوة للعايله
حتى زوجه اخوى كانت تقولي انها لما عرفت انها حامل بولد ارتاحت لانه البنت هم وتغازل وتييب مشاكل لاهلها!!

شو هالتخلف والجهل البنت حسب تربيتها واكثر الاولاد يتزوج وينسي اهله
استغفر الله حاسه بضيقه وحاسه اني كارهه زوجى والمجتمع البايخ
ادري انه الولد غير وفي انبياء كانوا يدعون انه الله يرزقهم بولد
لكن احس بنتي زعلانه
كفايه امى مرت بهالموقف ولما كبرت قالت لي ابوج لما قالوله انى ولدت بنت حتى ما زارها فالمستشفي

لو انتوا مكانى لي حق ازعل ولا لأ