الله ينزل الطمأنينه ع قلبك ويكتبلك مافيه خير لك

انا جربت القيصري والطبيعي وكلها متعبه ولله الحمد بس ترا مو هذاك التعب الي ماتتحملينه لا بعدين لو سويتي قيصري كل فتره يعطونك مسكنات قويه ماتحسين بالوجع انا سويت بنج كامل ولا تعبت بعد البنج الحمد لله كلها 8 ساعات وفكو القسطره وقمت امشي شوي شوي ولا جلست ولاتكاسلت كنت امشي كثير واتحرك والحمد لله كلها خمسه ايام وقمت حتى كنت اشتغل بالبيت لاني اولد ببيتي بس انتي استخيري وتوكلي على الله والحمل العزيز الافضل ان يكون قيصري طبعا لاتخاطرين بطفلك الي تعبتي عشانه كل هالسنوات لاتخافين ابد كلها ايام وتعدي بخيرها وشرها الله يقومك انتي وطفلك بالسلامه

حبيبتي نصيحة استخيري الله والي فيه خير لكي ربنا يكتبه . ربنا يسهل حملك وييسر ولادتك ويسهلها عليكي ياقلبي

والسبيل يسره ... اطلبي من الله ييسر لك الولادة الطبيعية
وللي يقولون لا تغامري أقول الله عز وجل الذي خلقنا قدر لنا متى نولد ومتى نموت سبحانه لا إله إلا هو
الله يتمم عليك بالخير أختي وأكثري الدعاء وادهني بطنك بزيت الزيتون مقري عليه وربي يقومك بصحه وعافية انتي والعزيز

ياقلبي الله يتمم لم ويفرحك بشوفة ضناك
انا وربي اكبر خوافة لكن ماتوقعت العملية بذي السهولة يمكن لاني كنت بولد طبيعي بعدين حولوني قيصري فكنت تعبانة من الطلق وابغى ارتاح بأي شكل
وبنجوني نصفي ابدا لا تختارين غيره يجنن لا كحة ولا بلغم
حتى لما يطلعونك من العمليات وينقلونك من سرير لسرير ماتحسين بشي عكس الكامل مايودونك غرفتك الا اذا فقتي وبديت تحسين بالالم ولما ينقلونك من سرير لسرير تحسبن لكل شي 😫😫
توكلي على الله واستخيري ولا تطلبين غير العملية شي صدقني اسهل من مخاوفنا بكثيييير