اخت عبيد @akht_aabyd

محررة ذهبية

حامل دعواتكم

السلام عليكم بنات مين تحسب متى ولادتي اخر دوره غسلت خمسطعش اثنعش بنات سقطت قبل والحمدالله على كل حال المهم أنا طباخه بشهادة الجميع ومن حملت الى الحين وانا اعزم وأقوم بالواجب احسني خفيفه مدام ربي معطيني العافيه ليه اتميرض كل من شافني قال ليه لابسه كعب انتي كيف ترقين مع درج بيتكم للحين فيك حيل تطبخين جئت مره بصلي في مناسبة جات وحده تركض تعطيني كرسي!!!قلت سلامات عادي اصلي وانا جالسه احس انصدمت لازم امثل اني تعبانه يعني اعوذ بالله المهم سويت عزيمه كبيره يمه يقولون يمه ياسناعتك حتى وإنتي حامل نزلت بسناب تكلمت وحده قالت يوه يافلانه ماعمري شفت مثل سناعتها طيب قولي ماشاءالله وبعدها وحالي يتغير احس تجيني الام وطلع في راس الجنين مويه فجاه في الشهر السابع في جهه وحده وقَعَدت مواظبه على الاذكار والرقيه ومااصور ولااطلع ولاشي ورحت ولقو المويه مازادت سبحان الله بعدها أنا رجعت لتصوير والعزايم ورحت الموعد طلعت زايده صايره 18زادت مره قلت مافي الااغتسل بسدر وغسلن المغرب وطلع بيدي اليمين جروح وراسها ابيض بس جاني الم ببطني عجزت امشي منه هل اكمل على السدر والزيت ولامضر ومن سمعت ان موية راس الجنين تخف يارب اولد واجيبها بصحه وعافيه وحسبي الله على الي مايذكر رب

يلزم عليك تسجيل الدخول أولًا لكتابة تعليق.

تسجيل دخول

^^الامل باقي ^^ • 8 سنوات

الله يهديك يا اختي الناس ماعادت مثل اول يذكرون الله لا تجمعتو خذي اثرهم كلهم والله يحفظ لك ولدك ويعمي عيون الحساد

اغانيد • 8 سنوات

ماشفنا من ورا المظاهر خير
ياختي انتي شايفه الناس وكلامهم لك ومستمره تظهرين نفسك وهذا خطااااا
صح اني ماااحب اتكلم بالعين لان الله حافظ بس انتي سمعتيهم بنفسك مفروض ماتبينين انك بصحتك ومفروض ماتصورين
انتي عارفه مشاكل الحمل وكيف البعض تتسدح وعلى مثبتات وحاله
وانتي ماشا الله حطيتي نفسك تحت مجهر
ارقي نفسك واكسري عيونهم بتصويرك واكتبي دعاء بالشفا وكذا خليهم ع الاقل يسكتون عن الكلام عنك
واي احد يسالك احمدي الله بس قولي تعب الحمل لازم منه
انا اذكر وحده كل ماكلمتها تقول بولد ولاده مبكره
وهي بسم الله عليها مافيها شي طلعت تخاف من العين وانا كانت تسالني واقول الحمدلله مافيني الا العافيه مع اني واجهت شويه مشاكل بحملي بس ماحب ابينها لاحد
فانتي بيني اللحين تعبك ع الاقل تكسرين نظرتهم عنك

مانسيتك يوم♡ • 8 سنوات

اسم الله عليك ماتشوفي شر يالغاليه
انا من رأيي تسألي راقي ثقه وتشوفي وش بيقول لك
ولاتنسي خذي من أثرهم وبالذات اللي تمدح سناعتك
الله يلطف بحالك وبحال اللي فبطنك

العمريه 72 • 8 سنوات

يا اختي ليش طيب الكعب وليش المظاهر والتصوير .. انا ما اتكلم عن سناعتك ماشاء الله بالعكس شي حلو بس برضوا ياختي مو لازم كل شي تصوير و استعراض فالسناب وغيره .. كلنا سنعات وعندنا سناب بس نعرف وش الصح ووش الخطا و نتحصن و ماله داعي كل الناس تعرف وش اسوي و برضوا لما وقفتي التصوير استقر الجنين وبعد التصوير زادت هذي ماعندي علم فيها اذا عين او لا بس لازم يا حبيبتي تستمرين عالاذكار وتاخذينها درس ترى كثرت التكشخ والكعوب والتصوير والاجهاد بصفه عامه و كمان بصفه خاصه فالحمل ما وراها الا المصاااااايب وانتي جربتي

استمري عالرقيه والاذكار و مراجعاتك والله يقر عينك بشوفة جنينك معافى يارب وخلي عنك التصوير والسناعه وارتاحي الين تولدين بالسلامه وياريت تركزين ع كلامي اللي فوق ... موفقه .

لاتلومونه1436 • 8 سنوات

اكسري عينهم واكتبي ادعو للي بطني وادعولي ..هذي عين حسود شريره الله يكفيك الشر.لو تقدرين اجمعي غسالهم.
لاتروح صحتك وصحة البيبي .ماله ذنب.وواصلي برقيه.
جارتنا توفت عشانهاقالت قدام الحريم اني سافرت وشريت وحطيت ومن عقب جمعتها وهي بلعنايه ووفاة.
احرصي ع نفسك