السلام عليكم ورحمة الله
ما ادري كيف ابدأ ومن وين واعذروني اذا كلامي مو مرتب لأن ذهني مشتت واحس اني ضايعه في هالكون.......
انا في مشاكل دايمه مع زوجي دايم يدور علي الزله ويعاتبني على اي شيء تافه ولو مايستاهل يأول تصرفاتي اللي اسويها بحسن نية على كيفها ويهاوشني عليها واذا جيت افهمه واشرح له قصدي يتنرفز ويلعن ويسب واطلع انا الغلطانه
وإذا زعلت يقولي روحي بيت اهلك مالك قعده عندي يخليني فتره عندهم والله مايسأل حتى عن ولده اذا محتاج حليب والا غيارات أكرمكم الله
أقسم بربي اغراض ولدي يجيبها ابوي والا اعطي اخوي فلوس ويشتريها لي
وربي قبل كم اسبوع تعبت وجاتني نزله معويه انا وولدي وكان مخليني بيت اهلي وادق عليه اقوله انا تعبانه وفلان مريض معليه تودينا المستشفى ؟؟
رد علي قال يعني استئذن من دوامي علشان اوديكم المستشفى << اخته اللي في متوسط كان عندها اختبار وليلة الاختبار سهرانه مع اهلها ولا ذاكرت راحت المدرسه علشان مايحسب لها غياب ودقت عليه قبل الاختباروجا استئذن لها وهو كان مداوم.وانا يقول لي خلي اخوك يوديك تحسفت اني دقيت عليه هذا الكلام كان الصباح وفي العصر يوم جيت اروح المستشفى قلت له محتاجه فلوس للمستشفى قال لي كم تبين قلت له ما ادري اللي تقدر عليه قال لي يعني انا اعرف كم تبين قلت له وانا ما ادري وشو بيسون لنا في المستشفى ولا اعرف كم اسعار التحليل ويمكن يركبون مغذي لفلان عن الجفاف بسبب الاسهال قام يتحلطم علي قلت له عطني اللي تقدر واذا زاد شي رجعته لك>> ماقلت لكم يسوي سالفه من اتفه شيء والله العظيم رحت المستشفى ورجعت مادق وسأل وش صار على ولده وعلى فكره هو اكره ماعنده كلمة محتاجه فلوس علما انه صار لي سنتين من تزوجت مامد لي مصروف بطيب خاطر قبل ما اجيب ولدي كان يعطيني من 50 الى 100إذا طلبته
وبعد ماولدت يعطيني انا وولدي 200 الى 300 ان كثر
\والله اخوانه اذا بقوا عطاهم ولا يمانع يقول مساكين علشان افرحهم
والله اشتهي شغلات احيان واستحي اقوله اشتر لي انتظر لين اجمع لأن ابوي الله يخليه لي بين فتره وفتره يعطيني
مع العلم اني كنت مجمعه من مهري ماصرفته كله لأن ابوي تكفل بفستان عرسي والذهب وقالي خلي فلوسك لوقت حاجتك كأنه داري ياحياتي والله اني كنت ما اقصر معه بشي احتاج مره لسيارته ويحاتي السلف قلت لاتحتاج لأحد وانا معك والله سحبت من رصيدي وعطيته والى الحين مارجعهم ولايفكر وانا ماطلبته منهم شيء
وحاطه امه واهله فوق راسي مع ان جاني منهم كل ضيق تخيلوا مره كنت في بيت اهله جالسين في الصاله انا وهو وامه وجدته واخوانه
غلطوا اخوانه على ابوي قدامي وانا لما سمعت كلامهم كأن احد صب فوق راسي ماي بارد طبعا انا مارديت عليهم احتراما لكبيرات السن اللي قاعدين وانتظر المصون يرد ويدافع عن عمه وجد عياله والله وربي اللي خلقني مانطق ولا كلمه ومشوا السالفه انا تضايقت وقمت طلعت والن طالعه صاروا يتضحكون ويعلقون علي وهو ساكت يسمعهم
واحنا راجعين وانا دمي يفوووووووووووووووووووووووووووووووور يقول لي شفيك ؟؟
صاير شي و بكل برود عنده..
اقوله لا ماصار شي ما كأنك كنت موجود وسمعت اللي قالوه اخوانك عن ابوي انا مارديت احتراما لك وللعجايز اللي قاعدين وتركتك انت اللي ترد لكنك مابردت قلبي وكاني شيء عادي ماهمك اني اتضايق اوا اشيل في خاطري وهو يسكت فيني ويقول هذول اخواني وما ابي ارد واضايقهم !!!!!!!! شرايكم؟؟؟ مع العلم انهم كلهم اصغر منه
ألى هنااااااااااااااااا ستوب لأن مالي بال اني اكمل مأساتي وربي ضايقه فيني الدنيا احسه مب رجااااااااال وقليل الأصل
بعد وماندمت على شيء كثر ماندمت على زواجي منه
علما انه من اجبرني احمل على ولدي وانا ذقت المر في ولادتي وحملي الأول وولدي بعده ماكمل السنه
شسوي قولوا لي كيف اتعامل معه والله لاكلمه حلوه ولا مدح ولا اطراء
اتفنن له في اللبس والحفلات والطبخ والله ولا يبين بعينه اي شيء
تعبت
تخيلوا اذا زعلت ورحت بيت اهلي ورجعني ينظف الشقه ويغسل ملابسه ويقول لي شفتي ترى اقدر اصرف اموري بدونك ماني محتاج لك.....................:44:
همس المحبة 2008 @hms_almhb_2008
عضوة نشيطة
يلزم عليك تسجيل الدخول أولًا لكتابة تعليق.
بصراحة غلطانة انك طاوعتيه وحملتي يعني صح الحمل نعمة من ربي ..
بس كان لازم تشوفين حياتك معه اول كيف بتكون وتحاولين تفهمينه ويفهمك اكثر لان شكلك مالك مدة متزوجة ومو على اي شي تروحين بيت اهلك..
وبصراحة احس الي مايبين بعينه شي مفروض ماتسوين له الا الي عليك وبس لاتبالغين وتدلعينه زيادة عن اللزوم عشان مايركب فوق راسك..
عموما الان استغلي الوقت وحاولي ماتكثرين مشاكل معه وكثير رجال كذا اهم شي عندهم اهلهم
ويمكن قدامك مايقول لهم شي بس يمكن من وراك يقول..اقصد يهاوشهم على الي قالوه..
واكبر غلط تصرفين على نفسك صح انه تبين تعزين نفسك وماتقصرين بشي على نفسك وعيالك بس بالاخير هو المسؤول عنك يعني اهم شي يجيب لك الاساسيات وتصبري عشان يعطيك وتجيبين الي تبينه..
مدري هذا رايي والله يوفقك ويسخره لك ياحي ياقيوم..
على فكرة وضعي مشابه خخخ عندي بنوته كملت السنة والحين انا حامل واحس اني لسه مو فاهمه زوجي وللان امور كثيرة مو مضبوطة بحياتنا يبي لها اعادة نظر بس مااعتقد وقت الحمل مناسب اني اسوي شي بس بمشي اموري لحد بعد الولادة ان شاء الله واحاول اتعود على وضعي مع زوج وبيت وطفلين وامور كثيرة ملخبطة!
الله يسهل يارب..
بس كان لازم تشوفين حياتك معه اول كيف بتكون وتحاولين تفهمينه ويفهمك اكثر لان شكلك مالك مدة متزوجة ومو على اي شي تروحين بيت اهلك..
وبصراحة احس الي مايبين بعينه شي مفروض ماتسوين له الا الي عليك وبس لاتبالغين وتدلعينه زيادة عن اللزوم عشان مايركب فوق راسك..
عموما الان استغلي الوقت وحاولي ماتكثرين مشاكل معه وكثير رجال كذا اهم شي عندهم اهلهم
ويمكن قدامك مايقول لهم شي بس يمكن من وراك يقول..اقصد يهاوشهم على الي قالوه..
واكبر غلط تصرفين على نفسك صح انه تبين تعزين نفسك وماتقصرين بشي على نفسك وعيالك بس بالاخير هو المسؤول عنك يعني اهم شي يجيب لك الاساسيات وتصبري عشان يعطيك وتجيبين الي تبينه..
مدري هذا رايي والله يوفقك ويسخره لك ياحي ياقيوم..
على فكرة وضعي مشابه خخخ عندي بنوته كملت السنة والحين انا حامل واحس اني لسه مو فاهمه زوجي وللان امور كثيرة مو مضبوطة بحياتنا يبي لها اعادة نظر بس مااعتقد وقت الحمل مناسب اني اسوي شي بس بمشي اموري لحد بعد الولادة ان شاء الله واحاول اتعود على وضعي مع زوج وبيت وطفلين وامور كثيرة ملخبطة!
الله يسهل يارب..
اكبر غلط حملك مره ثانيه وانت شايفه الوضع
وفلوسك خشيها لك ابوك يقول خليها للزمن وانت تعطينه اياه
لو كان يستاهل ماقلنا شئ بس يستكثر عليك لا والف لا
ويوم انك ساكته عن اخوانه وتبينه يرد عليهم اذا انت ابوك وما دافعتي عنه
تبين الغريب يدافع؟؟؟
والحريم الكبار لو فيهم خير كان قالوا لهم عيب بس ماحطوا لك اعتبار
اختي خلك قويه والله الطيب مع هالاشكال يسمونه ضعف
كرامتك الزم ما عليك واللي ما يعبرك لا تعبرينه
وحقوقك خذيها كامله
الله يسخره لك ويختار لك اللي فيه الخير
وفلوسك خشيها لك ابوك يقول خليها للزمن وانت تعطينه اياه
لو كان يستاهل ماقلنا شئ بس يستكثر عليك لا والف لا
ويوم انك ساكته عن اخوانه وتبينه يرد عليهم اذا انت ابوك وما دافعتي عنه
تبين الغريب يدافع؟؟؟
والحريم الكبار لو فيهم خير كان قالوا لهم عيب بس ماحطوا لك اعتبار
اختي خلك قويه والله الطيب مع هالاشكال يسمونه ضعف
كرامتك الزم ما عليك واللي ما يعبرك لا تعبرينه
وحقوقك خذيها كامله
الله يسخره لك ويختار لك اللي فيه الخير
اختي انتي حامل الحين يعني بيصير عندك طفلين لا تفكرين في موضوع الطلاق اصبري وحاولي تغيرين اطباعه وخليه يخصص لك كل شهر مصروف لك ولعيالك ولو ما نفع دخلي اهلك في الموضوع هو ملزوم يصرف عليكي وعلى عيالهاختي انتي حامل الحين يعني بيصير عندك طفلين لا تفكرين في موضوع الطلاق اصبري وحاولي تغيرين اطباعه...
الصفحة الأخيرة
اصبري وحاولي تغيرين اطباعه وخليه يخصص لك كل شهر مصروف لك ولعيالك ولو ما نفع دخلي اهلك في الموضوع هو ملزوم يصرف عليكي وعلى عياله