حامل فى التاسع وحاسه انى لوحدى !!!!!!!!!!

السلام عليكم بنات
باختصار انا حامل فى اخر التاسع وبعيده عن اهلى هما فى بلد وانا فى بلد اخر وما فى احد معى الا زوجى واختى متزوجه معى فى نفس البلد وساكنه قريبا منى والحمد لله
وانا خايفه من الولاده جداجدا هى مو اول ولاده بس انتو عارفين خوف الحامل من الطلق والمشكله ان زوجى مو حاسس بيا وكل لما اقله انا خايفه يقولى انتى مزودها هادى مو اول ولاده المفروض ما تكونى كدا
والله حاسه انى لوحدى يعنى المفروض هو الامان بالنسبه لى ويطمنى وقلت له على ابرة الظهر علشان ارتاح من الالم بس المشكله ان المستشفى ايلى تعطيها بعيده عنى بمسافه وفى مستشفى قريبه منى بس ما بيعطوا فيها هادى الابره وقالى انتى متعبه نفسك وخوفك زياده عن الازم ومو ضرورى تروحى هادى المستشفى اولدى فى القريبه وخلاص
اختى هى الوحيده ايلى حاسه بيا علشان هى جربت الولاده والم الطلق
والله جلست ابكى من الخوف من الولاده وانى لوحدى وزوجى مو حاسس بيا وما بيطمنى وما يوقف بجانبى ولو حتى بالكلام :44:
حبيت بس افضفض معاكم