حامل في الاسبوع السابع

السلام عليكم.. الله يسعد مساكم جميعا
يابنات لي شهر ذابحني الخوف والتفكير وحالتي حاله القصه ان عندي ثلاث قيصريات اخر قيصري من سنتين ونص وفي بداية هالسنه تاخرت عندي الدوره ولاول مره بحياتي شهرين وزياده رحت وكشفت قالت لي الدكتوره عندك تكيسات وعندك الغده واعطتني حبوب الجنيرا لعلاج التكيسات استخدمتها وبشهر سته سافر زوجي على اساس بيجلس سته شهور بعيد عنا.. وبطلت الحبوب قلت ارتاح منها واشوف هل انتظمت الدوره رجع زوجي فجأه بعد مابطلت الحبوب وصار بينا جماع وكنا حريصييييين تأخرت الدوره ورحت اكشف قلت اكيد التكيسات رجعت الا والدكتوره تبارك لي بالحمل ماتتخيلوا ايش صار فيني لاني اتعب ويصير لي اشياء اثناء الحمل والولاده لايعلم فيها الا الله.. المهم قالوا لي بالبدايه كيس فاضي ومافي نبض ولاجنين قالت اسبوع وارجعي لي المهم رحت مستشفى ثاني عند استشاريه وقالت لي حملك خارج الرحم والعمليه السابقه عندك مفتوحه والوضع ما يحتمل تنتظرين وقررت عمليه اليوم الثاني فتح بطن لان الابره والمنظار ماتنفع مع حالتي.. في عمليتي الاخيره قالوا لي عندك التصاقات شديده قلت باروح اجيب تقرير بحالتي عشان يكون عندهم علم باللي عندي رحت ولقيت الدكتور وعلمته وقلت عمليتي بعد ساعتين بس ابي تقرير قالي خليني اشوفك اخذ لي اشعه سونار وقالي الحمل بالرحم والكيس تمام وفيه جنين ونبض بس عندك كيس عالمبيض وتكتل دموي بس عادي مافي ضرر.. حيروني ورحت استشاري ثاني وقالي عندك العمليه السابقه مفتوحه من داخل وعندك التصاقات مره قويه وفي انفصال بالمشيمه واعطاني حبوب للالتصاقات وحبوب لألتئام المشيمه.. اقوله فيه ضرر عليه لو استمر الحمل عشان هالجرح المفتوح يقولي وضعك طبيعي.. انا في حيره وخوف وقلق واول مره اسمع بكذا..
غير عن الالم القوي بجهة اليسار لدرجه ما اقدر اجلس وكمان تنمل باسفل الظهر والم زي الم الدوره سواء وقفت او جلست.. قلت للدكتور عن هذي الاعراض قالي سببها العمليه السابقه.
الله يرضى عليكم احد قد مر بهالحاله او سمع عنها تطمني وربي جننوني..