الف مبروك اختي بريق المستقبل :26: الله يثبت حملك وحملي وحمل كل الأخوات اللي فالشهور الأولى يارب

ابتعدي عن البقدونس...أنا هنا قالتلي عنه الدكتورة هو والريحان والتونة.......حتى زيت البقدونس لاتحطيه على شعرك..أو تمرخي فيه جسمك لأنه في بعض زيوت المساج يكون من ضمنها زيت بقدونس

طبعا من فترة لفترة اذا أكلتي شي فيه بقدونس عادي..زي السمبوسك مثلا..مافي ضرر..حتى الريحان اذا استخدمتيه كبهار للمكرونة والبيتزا عادي...هو كثرته مضر..........والتونة فيها زئبق...والزئبق ضار جدا لخلايا الجهاز العصبي للبيبي..وتعرفي اول شي يتكون في البيبي العمود الفقري وخلايا المخ...واذا مثلا اشتهيتيها مرة وحدة فالاسبوع وماتكون من الصناعة التايلندية..لأنه شواطئهم مليانة بالزئبق...شوفي الأنواع الفاخرة

التمر يا أم رواء يعتبر منشط للرحم..وينصحه فيه عند الولادة عشان يحمي الطلق..فعشان كده لاتكثري منه..يعني كم حبة معقول

بيض العيون ابدا متقربوه لازم البيضة تكون مسلوقة جيدا أو على شكل أومليت لأنه بيض العيون ممكن يسبب تسمم حمل...........

الحليب ومشتقاته اذا كان مثلا ينتهي في تاريخ اليوم...اليوم ماتقربي منه أبدا..خلاص ارميه

وعن القيء..هو يبدأ من الشهر الثاني الى الرابع..أول شهر يكون غثيان مع حرقة بسيطة

وأنصحكم أول ماتقوما من النوم تاخذوا توست محمص مرة يقطع الغثيان....وبعد الغدا بساعتين خذوا توست محمص..يعني خليه بين الوجبات...

الموز كمان يقطع الغثيان........

القهوة والشاي ابتعدوا عنهم ..لأنه الكافيين يمنع البيبي يمتص الأشياء المفيدة من أكل الأم..وعادي اذا شربتوا شاهي وقهوة بدون كافيين (DeCaffeinated) حتى اذا رحتي محل او مقهى اطلبي نوع القهوة دي كاف

أيش كمان...

الفوليك أسيد طبعا أكيد كلكم تاخوه...واستمروا عليه لين الشهر الثالث تقريبا..

ممنوع الكبدة منعا باتا لأنه فيها فيتامين أ..وهو مرة يسبب تشوهات للجنين

هذه المعلومات كلها متأكدة منها ومن دكتورتي واتأكدت من مواقع طبية أمريكية...بس صديقتي أخبرتني عن الملفوف انه مو كويس للبيبي وما أدري اذا صح ولا لأ

دعواتكم لي....وان شاء الله نكون مجموعة حلوة مع بعض نتابع تطورات بعض ونتواصل دائما :26:

شكرا على هذي المعلومات يا اخت بشاير

اما عن الكبدة انها ممنوعة منعا باتا هذا ما اوافقك فيه لان شفت امي وخالاتي ما ياكلو الا كبدة في بداية حملهم وماشاء الله ما يجيهم الا اطفال سليمين ومعافيين والحمدلله وانا كمان الحين حامل في شهري الخامس وبداية حملي كنت اكل كبدة وانشاء الله ما اشوف شر

طيب سؤال ليه الأنناس ماينفع للحامل ؟؟

أهلا أخت مريوم...والله مدري....عموما هو فيتامين أ (A) مرة مضر وحتى شوفي أي فيتامينات مخصصة للحامل مايكون من ضمنها فيتامين أ.........وأي موقع أجنبي سوي فيه بحث عن الكبده (Liver) يقول ماهي كويسة للحامل............والله أعلم طبعا

أمل الروح سويت بحث عن الأناناس..لقيت انه ينصح شريحة يومية منه...مافي أي مضار..وكم موقع يتكلم عن خرافات الأناناس انه ممنوع أكله...ما أدري طبعا الله الحامي

أختي بريق المستقبل سامحيني التهيت بالأنناس عن أصل المضوع

مبروك الحمل والله يتمم ليك يارب


وإن شاء الله البنات يكونوا فادوك

ومن الأشياء إلي الحامل ماتكثر منها الهوت دوق والمرتديلا واللحم لازم يكون مستوي مرة

أختي بشاير

الله يتمم حملك على خير

طيب ليه البقدونس مضر للحامل وهل هو بس للشهور الأولى ولا لآخر الشهور؟؟