حامل في الشهر الخامس ولم يتحرك الجنين أو يظهر بطني

حبيبتي طبيعي الجنين ماتحسين بحركته الى على نهاية السادس ممكن..
انا بكريه واول حركه حسيتها بنهاية السادس ويختلف من وحده لوحده اللي سبق لها الخلفه ممكن تحس من الشهر الرابع بأول حركه..
انتي دام الدكتوره قالت كل شي اوكي لا تشيلين هم ..
واذا على البطن لا تخافين بينتفخ اقربي السادس وشوفي انا لين نص السادس محد صدق اني حامل لان مافي كرش ولا حتى نفخه .. وبعدها ماشاء الله اسبوع عن اسبوع ومن يوم تدخلين السابع خلاص شوفي كيف الكرشه تصير وياك ..
الله يحقق لكل عين رجاها يارب.. ويرزقك الطفل السليم المعافى ويفرح قلبك وقلب ابوه وياكي :26:

لا تخافين حبيبتي آنا بحملي الأول تحرك من الرابع وحركته كانت واضحه جدا

واللي خلاني اخاف مثلك بحملي الثاني ما تحرك الا بالسادس وكنت اخاف وأوسوس لوما ان الدكتور يطمني

أما عالبطن هذا على حسب جسمك ممكن ما يكبر بطنك بسرعه البيبي ياخذ مكانه داخل جسمك بدون لا يبرز الا اذا كبر حيل يعني بنص السابع

بنت خالتي دشت التاسع والكل حسباله انها بالخامس

لا تخافين دام الدكتور يطمنج

اختي لا تخافين طالما ان الدكتوره طمنتك انه كل شي تمام انا حامل وهذا الحمل الثاني لي والحركه ما حسيت فيها بقوه الا بأول السادس اما قبل كذا كانت خفيفه جدا والبكريه ما تحس فيها ولا تعرف انها حركة الجنين ( على بالها غازات!!)، اما البطن فكل وحده تختلف عن الثانيه اختي تدخل الثامن ولا احد يدري انها حامل من صغر بطنها وانا من الرابع وكرشتي كأني بالسابع رغم اني قبل الحمل مالي بطن!!!
ان شاء الله يتمم حملك على خير ويرزقك الطفل السليم يا رب .

حبيبتي غيري الدكتوره بعضهم تبي تخلص وماعندها ذمه لاتيأسين والله يفرح قلبك ويرزقك

اذا انتي تطمنتي عند الدكتوره خلاص ماله داعي الخوف وتراك افتكيتي من الثقل