حامل في شهر .. ومخنوووقه ودي افضفض.. شوفو ليش وساعدوني او ادعولي😔

السلام عليكم اخواتي كيفكم..
انا حاسه نفسي مخنوقه وحابه افضفض يمكن ارتاح.. واللي عندها تجربه قريبه من تجربتي// او نصيحه .. لاتبخل علي.. والاهم ادعووووووولي ربي يسهل لي ويفرجها عني وعن جميع المسلمين..

ببدأ في موضوعي.. انا ماشاءالله عندي 3 اطفال .. الكبير ثالث ابتدائي والوسط تمهيدي والصغير سنتين... باختصار شديد الثلاثه هذول شفت فيهم النجوم بعز الظهر اثناء حملي فيهم.. من دم وانفصال جزئي للمشيمه وعملية زايده .. الحمدلله من قبل ومن بعد... وكنت مستمره عالدفستون والسيكبوجست للشهر السابع.. طبعا بالاضافه للابر المثبته.. احيانا مره كل اسبوع واحيانا مره كل 3 ايام واحيانا يوميا .. ولازم رررراااااحه تااامه.. والحمدلله من قبل ومن بعد😔

السالفه ومافيها انه الحمدلله ماشاءالله ربي كتب لي الحمل بس لسه توني في الشهر الاول.. بتقولو احمدي ربك.. الف حمد وشكر لك يارب والحمدلله مازعلت وراضيه فيه لكن المشكله اني شااااااااااااااايله هم كبيييييير.. واقولكم ليه..: 1/ على وضع عيالي ومدارسهم مستحيل اسوي زي اول (اقصد راحه تااامه).. ولدي اللي في التمهيدي بس يبكي واضطر اروح المدرسه معه شويه... والكبير يرجع عنده واجبات ودراسه ولازم اشراف ومتابعه... طبعا والصغير ابو سنتين عارفين كيف يكون الطفل بهالسن..

2/الشغاله حقتي اللي كنت فرحانه فيها وقلت عالاقل تساعدني.. له فتره تزن تبغا تسافر.. ومكاتب الاستقدام مافيه لافلبين ولااندونيسيا .. مافي الا اثيوبيا وكثيييير مايمدحوهم ابدا ابداااا..

3/ انا عايشه بديره مافيها اهلي.. يعني مالي فيها بعد الله الا الله ونعم بالله... فيه اهل زوجي بس وربي وجودهم زي عدمهم الله يسامحهم.. ولايطالعو فيك لان اهلك المفروض يشيلونك هم شايلين يدهم مررره ... وحتي امي كبيره بالسن وعندها ضغط سكر والحين رجولها ماصارت تقدر تمشي كويس عندها العظام تعبانه الله يشفيها..

يعني هذي قصتي وهذا وضعي... من مثلي ؟؟ وكيف دبرت امورها؟؟ واذا ماقدرت عالراحه التامه ايش بيدي اسوي؟؟؟
والله احيانا ابكي احسن اني ظلمت اللي في بطني (رغم اني حملت ماشاءالله والحمدلله حملت فيه صدفه ماكنا ناويين انا وزوجي ) بس الحمدلله..

والحين اللي ابغاه منكم... نصاااااايحكم// تجاااااربكم/// والاهم دعووووووووووووواتكم تكفون لاتنسوني في صلواتكم ان ربي يسهلي ويتمملي ياع علي خير ويجعل حمله بردا وسلاما علي وعلي جميع المسلمات... اللهم امييييين...