دعواتكم اخواتي لنا ولجميع الحوامل نقوم بالسلامه ونرتاح من هالحاله والله يا بنات احاول ارتب بس تعب جدا وخاصه مع نزول ماي الدكتوره حذرتني انه ما اتعب نفسي يعني شغل خفيف بس والله نفسية الوحده تتعب اذا تجوف فوضى وانا فيني خوف مو طبيعي من الولاده اللي مسئوله عنه بس غرفة نوم فيها تلفزيون والله يعزكم حمام وفيها كتب وعفسه واوراق يعني والباقي مو من مسئوليتي الا على خفيف اساعد بس هذا المهم
الله يجعله في ميزان حسناتكم اللي عطونا افكار ودعواتكم بظهر الغيب مستجابه لفرج المسلمين امين رب العالمين

ياعمري ودي اجي ارتب غرفتك بس انتبهي لاتتحركين كيف الدواليب لاترتبيها الا اذا ولدتي بالسلامه لان مع الحركه تزيد المويه وانا جتني ولاده مبكره والسبب الوقوف كنت في رمضان اسوي الفطور وعيدت بالمستشفى
يابنتي شيلي القراطيس والحوسه الي قدامك وبس خلي السناعه بعدين لاتعرضين جنينك للخطر انا اسفه خوفتك بس انا ماودي يصيرلك ماصارلي بس لاتخافين لاني فيني سكر وكان من اسباب الولاده المبكره طمنينا عليك اذا ولدتي وعلمينا وش جبتي موفقه

مشكورين اخواتي على مروركم العطر نستفيد منكم دعواتكم لن وللمسلمين جميعا:27:

الله يسهل عليج وجميع الحوامل انا من رايي انك كل يوم اتسوين شغله واذا تعبتي بهاليوم ريحي اليوم ثاني واشتغلي ساعه او نص ساعه وريحي ساعه وبتداي اشتغلي من جديد واسالي دكتوره لانه ان شاءالله بالثامن والتاسع مافيه خطر عليج وكثري ماي والحركه البركه لاتاجلين اعمالج علشان ماتحاتين وانتي بالنفاس او باي وقت رتاحي اللحين من الحوسه ورتبي واستمعتي باايام الحمل ليش هالضيقه من الحمل فيه حوامل موظفات يقعدون 8ساعات او7ساعات عالكرسي وشغل وقومة من الصبح انتي الحمدلله شغلج بكيفج وقت ماتبين ترتاحين انا مانصحج بانج تتركين شغل وادخلي على مواضيع قعده ستات او غيره ومشاءالله راح تتحمسين معاهم والله يوفقج

الله يسمع منك اختي والله مو عارفه ليش تنحاس الغرفه بغمضه عين اسرع من تترتب
الله كريم يوفقنا لكل خير:27: