حامل ..مهمومه..إفرجها ياحي ياقيوم

ماادري كيف ابدا او وش اقول
بس اني منهاره مررررره مررررررره

والله اني اموت في اليوم الف مره وحالتي من سئ الى أسؤا

انا حامل لي اسبوع في التاسع او اكثر

قبل اسبوع حلمت بحلم وطمرت لكتب تفسير الاحلام وصار تفسيره شين

والله ماعمري خفت وانهرت مثل المره ذي

وللمعلوميه دايم احلامي شينه اللي ماادري هي اضغاث ولارؤى

اكل ماعاد آكل ابد بس ابكي واطالع بنتي وابكي واطالع اهلي وابكي

كرهت كل شي كرهت النوم كرهت الاحلام بخيرها وشرها ياااربي فرجك

والله كرهت كتب التفسير لا شعوري ادعي على اللي طبعها

والله ضاقت بي ماادري منين تجي حياتي متشتته مع زوجي كثرت المشاكل البيت كرهته الأمراض زادت ماخليت ولا مستشفى بس مايلقون فيني عله امور زوجي من سئ لإسؤا كلها مسكره في وجهي ياربي رحمتك

وزاد عليها الاحلام الشينه ماادري منين تجي

طبعا الحلم ذا سألت عنه اربع مفسرين

الاول اتصلت عليه احس انه ماعطاني وجه ولاسأل ولاشي قال خير ان شاء لعلك تتوجهين لله بالدعاء ويصلح الله حالك

الثاني في النت اسمه رويبح الحازمي طبعا عطيته معلومات عني لانه مايفسر الا اذا عطيته معلومات وقلت اني عند اهلي تاركه بيتي بس مابيني وبين زوجي حاليا مشاكل بس رافضه ارجع للبيت لأن مشكلنا كثرت وكرهت البيت

قال فيه سحر في بيتكم دوروه مخفي في شي له علاقه في الدين

الثالث في النت بعد اسمه ابراهيم الحازمي قال فرج لك ولزوجك

الرابع ناصر السنه ارسلت له رساله مع اني ماادري هو ناصر السنه ولا لا وقال عله معك انتي شي يرديد تفريقكم اغتسلي بالسدر قلت له انا قريت في كتب تفسير الحلام شي مو زين قال انتي فقط محتاجه للرقيه

طبعا جبت الرقم من قوقل ماادري هو ولا لا مرسله على عمااي لأني ادق مايرد

يابنات والله اني احس بشئ بيجنني كآآآآآآآآآبه فظيييعه

والهواء احسه مايدخل صدري كامل

ومع ذا كله حمل وهم ولاده وخوف والله ان اصحى من النوم احس برغبه في التقيؤ القولون مررره تعبان ولا اقدر اكل شي ادري انه من حالتي النفسيه بس وش اسوي شي مو بيدي


كنت اتمنى ان واحد من المفسرين يقولولي اضغاث احلام
وصراحه احس ان تفسيراتهم بنوها على المعلومات اللي انا معطيتهم اياها يعني يمكن يسكتوني او مايبون يقولون لي

وتفسير ابن سيرن والنابلسي جنني كله اشياء شينه مشتهيه مره احلم واقرا في تفاسيرهم ويطلع زين

ياربي رحمتك احس بيصير لعقلي شي

والله اتمنى ان تفسير المفسرين صح ولا تفسير الكتب

حتى النوم مااتهنى فيه من خوفي من تفاسير الكتب

بالله ابي دعاء من قلب صادق في ظهر الغيب ماابي ردود بس دعاء صادق ان الله يهون علي وأولد ويكفيني شر هالأحلام ويمحيها من ذاكرتي

والله قد فسرت حلمها عن طريق كتاب ابن سيرين او النابلسي تقول لي صدق ولا لا

اعذروني على الإطاله واللخبطه