حامل والوحام متعبتي اريد اطمن

السلام عليكم ورحمة الله
اولا أودّ ان اشكر جميع من ساهم في هذا المنتدى اللي دايما ارجعله لإيجاد حل وأشكر بعد كل الأعضاء ايضا اللي دايما مايبخلون باي نصيحة او دعاء
أولا انا متزوجة من فترة قصيرة حملت وسقطت في الشهر الثالث للاسف والحمدلله على كل حال وحملت مرة ثانية ولله الحمد اللهم ثبته لي
في الحمل الاول كانت أعراض الوحام مدمرة من اول شهر لدرجة ماقدر اكل شي متعودة عليه يعني اي شي أكله اكره بعدين لين ماوصلت للخضرة والفواكه وبعدين كرهت الخضرة واستمريت على الفواكه .
بالنسبة لهذا الحمل اول شهرين أموري تمام بس بالشهر الثالث بدت ترجع نفس الأعراض احاول اغصب نفسي عشان الجنين بس لقمتين وخلاص طبعا الوحام مالي عكس الناس يبدأ الظهر ويستمر لين في الليل !
وجبة الفطور الحمدلله أكلها توست وبيض مسلوق وعقب ساعة كورن فليكس وكوب حليب او موز يعتمد شو بخاطري !
الغداء تبدأ المعاناة اشوف الدجاج تقلب معدتي قمت اكل عيش ابيض خالي اي شي بهارات ،مقلي ،فيه نكهه قوية حتى لو كنت اموت فيها تلوع جبدي وتنسد نفسي
صرت اكل الغدا لمدة ساعتين عشان اقدر اكل ٥ او ٧ قفشات(ملاعق طعام) وبين الوجبات فواكه بس اقدر اكل خوخ وتفاح وموز اما الباقي كرهته البرتقال مزاج وعلى العشاء اكل روب اذا لي خاطر اقطع خيار رغم اني صرت أذوق الخضروات كلها نفس طعم العشب وكرهتن !
وإن شاء الله الموعد الجاي بتوصفلي الدكتورة مكملات غذائية على الأقل اطمن شوية ان الجنين يتغذى شوي
جربت وايد اشياء الزنجبيل والاشياء الثانية اللي تفتح النفس وتشل اللوعة بس ماكو فايدة
سويت جدول غذائي مالتزم فيه خصوصا فترة الامتحانات والمشاريع
بشروني هل نظامي لابأس فيه ومابيضر الطفل ! هل في وحدة وحامها كان إخس وماصار شي للبي بي ؟ وشكرا