بسم الله الرحمن الرحيم
السلام عليكم ورحمه الله وبركاته
من العنوان انا حامل وبشهري الثامن وكنت اتابع مع دكتوره بمستشفى خاص طول مده حملي طول الفترة وبنتي سليمه ومره كنت تعبانة عندي نزله معويه ودخلت لمستشفى عبيد التخصصي بالرياض ومع التنويم والتحاليل والكشوفات والاشعة الصوتية اتضح ان بنتي فيها مويه براسها وتقوس بظهرها طبعا بكيت وقلت الحمدلله اقول للدكتور وش الحل تقولي انا متلخبطه لازم تروحين تكشفين بمستشفى ثاني لان الحاله حرجه وخطيره ويكون هالمستشفى مجهز وفيه استشاري وولادة طبيعية ما تقدرين لان راسها كبير يعني مشوهه ... وفعلا طلعت من عندهم وعندي تقرير ورحت للدكتورة اللي كنت اتابع عندها وقلت لها شوفي التقرير طالعت فيني وقالت لي واقسم بالله اني ما شفت هالاشياء طول مده الحمل اقولها والحل تقولي نفس الكلام لازم مستشفى كبير ومجهز واستشاري فعلا رحت لمدينه الملك فهد الطبية طوارئ الدكتورة الباكستانية تقولي(( انتي مافي يجي هنا لازم ملف انتي مافي ملف ))بالعربي قضبتني الباب وطاقم الممرضات الهنود اسلوبهم أي كلام علي طبعا انا رفضت انهم يعالجوني بالرغم من اني تعبانة بالحيل وقلت لهم بس تأكدوا من وضع الجنين وفعلا الدكتورة تقولي هي ماهي مختصه بس المويه اللي بالراس واضحه ومشكله الظهر واضحه ولازم استشاري وانا عندي تقرير وطلعت وانا تعبانة من وجع وماتعالجت بس تأكدت من وضع الجنين وبعدها رحت الشميسي قالت لي الدكتورة مافي جهاز الحين ويعملون لك اجهاض قلت لها انا بالشهر الثامن قالت ماادري اجل لازم استشاري وبعدها رحت لكذا مستشفى خاص ونفس الكلام مستشفى حكومي مجهز واستشاريين وفعلا رحت لخالد الجامعي وقدمت التقرير تخيلوا يقولون جنين اكبر من خمس شهور ما نقبل :unhappy: كنو بكيفي حسبي الله على المستشفيات ونظامهم وبعد ما خلوني انتظر 7 ساعات تقولي ما اقدر اكلم الاستشارية ببيتها وارجعي سوي موعد ومتى تقدر تشوفك الدكتورة ماادري يمكن شهر يمكن ما تقبل تشوفك:unhappy::unhappy: هذا كلام ورد بالله .. حسبي الله ونعم الوكيل ..
وش اسوي ووين اروح املي قبل كل شيء برب العالمين هو اكرم الاكرمين وارحم الراحمين..
تكفون دلوني على طريقه .. ومستشفى ادخل فيها اخلص امور البنت انا خايفه مره ومخنوقة بالحيل ولاادري وش السوات يأرب رحمتك ..وان شاء الله اني صابره وراضيه باامر ربي ...طلبتكم لحد يقراء بدون ما يرد اقلها ادعوا لي ولبنتي لو ماعليكم امر.
ربي اني مسني الضر وانت ارحم الراحمين ولا اله الا انت سبحانك اني كنت من الظالمين .
اختكم / فاطمه
فاطمه الزعبي @fatmh_alzaaby
عضوة جديدة
يلزم عليك تسجيل الدخول أولًا لكتابة تعليق.
يارب يقومك بالسلامة انتي وبنتك
يارب مايكون فيها شئ ابدا
والله انا بنت مااعرف شئ بس حبيت ادعي لك
يارب مايكون فيها شئ ابدا
والله انا بنت مااعرف شئ بس حبيت ادعي لك
يابعد عمري الله لايلومك
حسسبي الله عليهم ونعم الوكيل
احسني الظن بالله وكثري استغفار
والله ماعندي رد لك
الله يهون عليك وعلينا ويتمم لك ولنا على خير ♥♥
حسسبي الله عليهم ونعم الوكيل
احسني الظن بالله وكثري استغفار
والله ماعندي رد لك
الله يهون عليك وعلينا ويتمم لك ولنا على خير ♥♥
الله كريم وكبير يا اختي
الله يفرجها عليك يارب ويسهل لك كل عسير
للاسف ما اعرف مستشفيات الرياض بس لو عندكم مستشفى خاص للولادة زي جده روحيه اكيد يستقبلك ادخلي من الطواري وهما ينومونك والله معاااك يارب
الله يفرجها عليك يارب ويسهل لك كل عسير
للاسف ما اعرف مستشفيات الرياض بس لو عندكم مستشفى خاص للولادة زي جده روحيه اكيد يستقبلك ادخلي من الطواري وهما ينومونك والله معاااك يارب
الصفحة الأخيرة
:(
الله يكون بعونك ،،
والله مشكله الحكومي مايستقبلون والخاص مافيه كفائه..
طيب اختي انتي عندك تأمين؟؟
اذا تأمينك يدخل فيه المستشفيات الكبيره،،مثل دله،،روحي لهم..
اما اذا ما عندك الشكوه لله..
روحي مستشفى الولاده،،اليمامه،،واستخيري قبل لا تروحين،،
وربي يكتب لك الخييير وين ما كان ،،وتولدين بالسلامه وان شاء تطلع بنتك سليمه ياااارب،،
الله يطمن قلبك ياعمري ،،والله حزنت عليك،،
دعواتي لك،،حبيبتي،،:(