بما اني حامل وتعبانه وماراح يكون عندي خادمه تساعدني برمضان في الشغل والطبيخ
فكرت اني اسوي بعض الأشياء اللي راح تساعدني وتوفر علي الوقت برمضان وخصوصا وقفة المطبخ خاصة بذا الحر الشديد
وبأذن الله ربي يعينني ويسهل عليه
نبدأ بسم الله وماشاء الله
اولا بالتفريز
صحيح الطازج ألذ لكن الظروف تحكم خاصة للي مثلي
والاشياء اللي ناويه اسويها هالمره
1- كشنة الطماطم والبصل
راح تنفعني بالشوربه والايدامات وللبيتزا والكبسه
2- جزر مبروش
3- فلفل رومي مقطع صغار
4- جبنة مبشوره للبيتزا وغيرها
5- دجاج مسلوق ومنتف
للحشوات والشوربه البيضاء
6- دجاج صدور مقطع مكعبات للكودو والصواني
7- مفروم غنم محموس مع بصل
8- دجاج اللي يجي مبرد مقطع صغار وراح استخدمه للملوخيه او المكرونه او الايدامات
9- لحم مقطع للشوربات وغيرها
10- خبز تورتيلا
11- عجينة مطبق
12- سنبوسة لحم وسنبوسة دجاج
13- لفايف الجبنه
14- سبرنق رول
15- كودو التوست افرده واقصه دوائر وأغطه بالبقسماط
16- فطاير الشوايه بدون حشوتها
17- كبه جاهزه
18- لفايف التوست بالتونه ومغطاه بالبيض والبقسماط
تقريبا هذي الأصناف اللي راح أسويها بس فيه ملاحظات الكل يعرفها وأحب أذكركم فيها
1- توضع في اكياس الضغاط وتوضع بشكل مسطح مع كتابة النوع والتاريخ عشان توفر مساحه بالفريزر
2- تحاولين تطلعين الهواء عشان مايصير فيها ريحه وطعم
هذا بالنسبه للفريزر
بالنسبه للطبيخ أن شاء الله الصنف الأساسي عندي شوربه وزوجي سنبوسة وراح أضيف نوع سهل صينيه أو مكرونه وسويت قائمه بالأكلات اللي ماراح تاخذ وقت وراح يسهل علي الأمر لأن كل شي جاهز بالفريزر
اطلع لحمه وكشنه وأسوي شوربه في قدركبير عشان يكفي ليومين او ثلاثه
بالليل ناويه أسوي العصير والفيمتو
يعني ماراح أوقف بالمطبخ أكثر من نصف ساعه الى ساعه إن كثرت
وفيه بعض الأفكار اللي تسهل علي الشغل وبالذات غسيل المواعين
أجهز لي دولاب فاضي وأجهز فيه صحون بلاستيك وكاسات وملاعق وشوك وكلش
وفيه صواني القصدير تسوي فيها الأكله اللي تحبين
بس الأكل الحار خطير ينحط ببلاستيك وأعزلي الشي الحار عن الصحن بورق نشاف
وفيه برضك حركه روعه عشان ماتحتاسين وقت تحضير السفره وهي من الليل تجهزين لك طوفريه فيها صحون الشوربه والملاعق والشوك وصحن التمر والفناجيل والترمس حق القهوه وتغطينها بالسفره وتحطينها عالدولاب
وكل يوم نفس الحركه تسويها والله تريحك كثير
أما بالنسبه للشغل راح أسوي كل يوم شي خفيف
وأجيب لي عامله بالساعه تساعدني كم مره بالأسبوع أذا ربي يسر
وأخيرا اتمنى موضوعي عجبكم وأدعوا لي ربي يتمم لي ويسهل علي حمالي ويقومني بالسلامه والبيبي بصحه وعافيه
طبعا الصور من قوقل