حامل ..وتوها باينه عندك التشققات لاول مرة؟!!!! الحقي على روحك وادخلي

سلام ...لكل الامهات ..


انا حامل في الشهر الثامن .. وتوها باينه عندي التشققات ..(الخطوط الحمراء او حتى البيضاء) طبعا انا اول ما حملت من شهري الاول استخدمت زبدة الكاكاو اللي الكل يعرفها ..ومنغشه فيها مثلي:23:
وكنت مستانسه ..لاني وصلت للشهر السابع وماكو تشققات ..بس يوم وصلت لشهري الثامن
:o الله لا يوريش...خريطة ماليزيا ..رغم اني ما احك بطني ..(توصيات الوالده)

المهم ..انا تلاحقت على نفسي ورحت المستشفى وسألت الاخصائية عن التشققات اذا تروح والا لأ.. قالت لي زين انك جيتي لي فهالوقت وما تأخرتي ..راح اعطيك ادوية ( عبارة عن مراهم ) تستخدمينها وقت الحمل الحيـــــــــــــــــــــن وإن شالله بعد اسبوعين راح اقول لك اذا توصلين عليها والا لأ .. طبعا انا قلت لها اني كنت استخدم زبدة الكاكاو من اول شهر وتحملت الحكة .. بس ماكوفايدة .. تدرون ويش قالت لي...زبدة الكاكاو يا ماما ..مجرد مرطب فقط:44:

المهم انا جربت المراهم مرتين في اليوم و الحمد لله تمام الخطوط بدات تختفي واللونها صار باهت ...وإن شالله مع الاستخدام ..تختفي ..


على العموم اسم المرهم الاول haut balsam elu lipacid لون العلبه بيضه وفيها بني
وهذا سعرة 60 ريال تلقينه عند الصيدليه ..راح يقولك كيفية الاستخدام ..
واسم المرهم الثاني sensiquin لون العلبه هم بيضه وفيها اخضر .. سعرة 40 ريال كذالك تلقينه عند الصيدليه ..
رغم اني افضل انك تستشيرين بالاول اخصائية جلدية و اخصائية النساء و الولادة..

اختكم :32: /ftm