توكلي علي الله
عليك بقراءه البقره يوميا وضعي يدك علي السره وانفثي في يدك وامسحي راسك وبطنك وشرب الماء المقري واذكار الصباح والمساء يوميا لاتنسيها وادهني بطنك بالزيت المقري وتوكلي علي الله وحلو لو تروحين لاهلك تغيرين جو النفسيه مش كويسه علي الجنين

الله المستعان الحال من بعضه هي ظروف الحياة اللي تجيب الاكتئاب

الله يفرج همك كل هذا طبيعي انا ببداية حملي كذا بس كنت اقرا سورة البقرة يوميا والحمدلله ارتحت

حبيبتي توكلي على ربك وحاولي تتجاهلين كل الوساوس لأنها ممكن توصلك لطريق المرض وانتي مو حاسة بنفسك ... وبالنهاية ماتتحقق يعني ممكن تولدين وتنجبين مولود سليم رائع..

وتنتهين من سالفة الخوف عليه من الإسقاط الى خوف جديد.. وهو لما تشوفي مولودك الصغير الضعيف بجنبك وما تتخيلين كيف ممكن يكابد الحياة ويعيش ويكبر وتقدرين تحافظين عليه..

عزيزتي ثقي إنك اذا ماوقفتي هذي الدوامة من الوساوس راح تغرقين في دوامات قادمة أكبر...
لأن جنينك الآن بمأمن اختاره له رب العالمين و وضعه في ثلاث ظلمات.. في أقصى جوف الأم.. وتخافين عليه..

ماتتخيلين أنا حصلت لي حادثة والله العظيم ورتني قدرة الله عز وجل.. كنت في الشهر الرابع يعني الأشهر الأولى الخطيرة والمعرض الطفل فيها للإجهاض.. وكنت نايمة وصحيت على صراخ ابني ( مع انه كان مع أبوه ومافيه الا العافية) لكن صحيت مفجوعة ومهلوعة ونطيت من على السرير وتعرقلت باللحاف وطحت طيحة فضيعة مخيفة مؤلمة جداً جداً جداً جداً على بطني.. تتخيلين الشكل كأني طيارة وقعت على الأرض.. لدرجة قمت باستفرغ من الألم والغرفة تدووووووووووور فيني دوران وأنا ماسكة على بطني وأبكي وأصيح..
زوجي دخل مصدوووووووووووووووم مو مصدق اللي حصل لي توي نايمة وفجأة أصيح!!.سألني أنتي أيش فيك ايش اللي صار لك و ولدي معاه يضحك مافيه الا العافية( كان يبكي يبغى ابوه يلعب معاااه !!! بس!!) المهم رحت المستشفى والحمدلله رب العالمين النبض سليم .. لكن يدي حصل فيها زي الخلع وجلست أكثر من شهر ما أقدر أحركها الا بصعوبة...
شفتي يا قلبي رحمة ربك بالجنين هذا وانا طايحة على بطني وبغيت أموووووووووووت من ألآم بطني وربك أراد النجاة للجنين وحفظه..

فيه شي مهم بعد الأوهام و الوساوس والإكتئاب سببها الرئيسي البعد عن الزوج والأهل والعائلة..
يعني يقولون أفضل الطرق للتخلص من الإكتئاب وقت الحمل أو بعد الولادة هو الإندماج مع المحيطين فيك وعدم العزلة نهائياً..
وأخيراً مالك مني غير دعوة بظهر الغيب إن الله يفرج همك وغمك ويزيح عن قلبك كل المتاعب..

ربنا يفرج همك ويريح بالك