حسب طاقتك ياقلبي ومساحة بيتك
اذا تحسين نفسك تعبانه ارتاحي واذا كنتي بخير نظفي تنظيف بسيط المهم ماتشيلين ثقيل او تدفين حاجه ثقيله
حاولي الغرف الي ماتستخدمونها تكون نظيفه ومقفله دايم
وغرفة المعيشه والممرات امسحي واكنسي عادي
اذا حملك صعب او عزيز جيبي عامله منزليه بالساعه وارتاحي
الطبخ حسب وحمك ووضعك غالباً الشهور الاولى يكون من برا عشان الوحم 😷
الله يتمم للجميع يارب
شغل البيت ماراح ينتهي لا تهلكي نفسك
قسمي الشغل مو تسوينه مرة وحدة، وخلي جسمك دليلك ،يعني اذا حسيتي انك تعبانه ارتاحي..و اذا ماعندك اطفال يعني البيت ماراح بتكركب كثير..
الشهور الاولى المتعب فيها ان انت نفسيتك مع الوحم ممكن تكون تعبانة ويطيح فيك النوم، الوسطى بتصيرين نشيطة ان شاء الله وتلقين نفسك حابة تسوين كل حاجة وترتبين 😍
بشكل عام اذا حملك طبيعي وماعندك نزيف/دم و وضع الجنين و المشيمة تمام عادي اشتغلي ، الحمل مو حالة مرضية تستدعي الراحة التامة، اهم شيء لا تشيلي او تدفي شيء ثقيل (مثلًا ممنوع تدفي كنب وقت التنظيف )
وابعدي عن استنشاق المنظفات بقوة مثل الكلوركس، والبسي قفاز وقت الشغل عشان تقللين من الاحتكاك بين جسمك وبين المواد الكيماوية
و اكيد لو لاحظتي آلام او تقلصات مثل الدورة ارتااااااحي
وربي يتمم لك على خير