حامل .. وصرت خايفه وموسوسه ومتدايقه

مرحبا صبايا

بصراحه متضايقه كتير كتير مابعرف ايش بدي احكي او وين ابدأ

اساس المشكله زوجي مع انو مافي مشكله بس انا صرت خايفه

من يوم ما تزوجنا وهوه مريض عطول مريض ولا بحياتو شفي ابدا صرلي 3 سنين معو دائما مريض

انا كنت بعرف انو مريض من قبل ما نتزوج وقلت عادي كل انسان بيمرض وبيطيب

انا مو متضايقه لانو مريض ولا عمري شكيت او تذمرت ولا هلاء مابتذمر او بشكي

انا بحبه كيف ما كان او ايش ما كان مرضه

المشكله اني صرت خايفه " افقده " صرت خايفه جدا انو يطلع ع البيت وما اعود اشوفه او ينام ومايعود يصحى

صرت خايفه كتير ونفسيتي تعبانه نفسي يطيب

اوقات بيروح ع الدوام وبعد شوي بيتصل بيقلي انا بالطوارئ ورح يحطوني تحت المراقبه

بجن عليه بموت من الخوف

وبالاخير كل النتائج سليمه كلشي سليم

التخطيط والتحاليل والصور

حاسه انو ماطايقه كمان حاسه اني خايفه من حياتي حاسه اني خايفه كتير عليه

انا من دونو بتبهدل والله

قولولي ايش اعمل وهلاء حامل وعندي طفل عمره سنتين وشوي وخايفه واوقات ياريت ماحملت عشان ما افكر بمصيرنا

المشكله انو مافيو شي بيروح ع الدكاتره بيكتبلو دواء اعصاب بس مسكنات عصب بس نفسي اعرف من ايش بيشكي او هي الشكوى تابعه لانو مرض؟؟ مابعرف

قولتك فيو عين ؟؟ ممكن او سحر وكيف بعرف
مابعرف بس انا تعبت من التوتر