ليش تسمعين لكلام البنات هنا اغلبهن صغار ويشوفون الي بالثلاثين عجوز ماعليك فيهم طول مافيك دورة احملي وخلفي لين ماتقولي بس انا ماعلي باحد بحاول بالحمل لين يقولو انقطعت الدورة خلاص ارتاحي اذا ربي راد كل قريباتي وقفن على عمر 45ماشاءالله ويش حلاتهن اعمارهن بالخمسينات وبناتهن صغار معهن

انتي بعدك صغيره الله يطول بعمرك ويرزقك الذريه الصالحه .. من وجهت نظري الافضل الوحده توقف على 40 لان بزمانا التربيه صعبه والوحده تراعي الله في عيالها لانهم امانه ..مو نجيبهم ولانقدر على تربيتهم
زمان اول كانوا الامهات يجيبون الى ماتنقطع الدوره ولا همهم لان مافي شي يخافون منه.. الطفل يعيش بامان بعد حفظ الله طبعا ...والحمدلله على تقسيم الارزاق..امي جابت اخر خواتي بسن 42 تعبت وماتحملت الولاده والحين اختي بالابتدائي وامي بالخمسين ومريضه و تعبان من تربيتها اشوف بهالعمر المفروض الوحده ترتاح .. الله يطول لنا باعمار امهاتنا ويحفظهم يارب ..

لا يااختي مش خطر ابدا
طبيبي مخبرني لحد 47 ممكن الام تحمل وتجيب أطفال سليمين
ولله الحمد بنت عمي الان حامل عمرها 40 عادي جدا وتطمني حسستيني انك كبيره وانتي بعز شبابك ممكن متزوجه مره صغيره
وعلشان تتطمني اعملي سونار ثلاثي او رباعي تفصيلي وراح يبان معاك كل شي سليم باذن الله من بعد الأسبوع ال20 تقدري تعمليه
وفي ميزه حلوه الام اللي عندها طفل صغير وهي نهايه الثلاثين والاربعينات تحسيها لسا شباب
لي خاله عمرها الان 51 عندها احفاد واصغر عيالها بالجامعه وزارونا قبل فتره حريم معهم وحده بعمر خالتي وعندها ولد بالابتدائي وربي حسيتها شباب وطاقه وحيويه الله يحفظها فرق عن خالتي مره

لا طبعا أمي جابت أصغر اخواني وعمرها 42 سنة .. ولولا أبوي الله يرحمه توفى أعتقد كانت بتجيب بعده .. عادي لا كبيرة ولا شيء ..

ربي له حكمه في كل شي يعني لو فعلا الحمل خطر بعد الاربعين كان الدوره انقطعت تلقائي عن كل وحده وصلت هالسن بالنسبه لمشاكل الحمل ماتعرف عمر معين الصغار زي الكبار وكل شي مكتوب العمر ماله علاقه جد بعض المواضيع وبعض الردود تحبط وتخوف وتخليك تفكرين في موضوع الحمل والعمر
الله يتمم لك ويقومك بالسلامه ويفرحك بشوفة مولودك وهو بصحه وعافيه