السلام عليكم ورحمة الله و بركاته
بتابعكم أخواتي من حين لحين لإني راعية عمليات
و من قبل قلت لكم أظن إذا ماني متخيله - و الله الذاكره عندي صارت تحت الصفر- انا حامل في الطفل الرابع و الحمد لله رب العاملين
و إن شاء الله موعد عمليتي في شهر 4 أبريل بحول الله و قوته
أدعولي رب يسهللي العمليه
والله إني متضايقه و ماني عارفه أشتكي لمين فقلت إن شاء الله تفهموني .
ضيقتي سببها الناس إللي حولي , كل وحده كأنها تعزيني كأنه أنا إللي إخترت إني أجيب عيالي بالعمليات القصيريه
أنا مؤمنه يالله و عارفه إنه إللي مقدري هو الخير كله بس ما أدري ليه الناس كلها تحسسك بإنك أقل من غيرك
و إنك ياحرام مانتي مثل إللي تجيب طبيعي
و الله بأكتبلكم و أنا بأبكي من الضيق
المشكله حتى بعض من صديقاتي تقول و في وجهي تقول الله لا يقدر أجيب عيالي بالعمليه أحس إنه بهدله.
طبعاً نظام دق ليا و على حالتي و بتحاول تحسسني بالنقص عن الحريم الثانيه.
ما أدري فهمتموني و إلا لأ؟؟
ما بقي لي إلا شهر و مالي نفس أشوف أحد بعد ما ربي إن شاء الله بحوله و قوته يقومني أنا و جنيني بالسلامه
حتى لمن أعدي على جناح الولاده و أشوف الوالدات ما شاء الله تبارك الله الزينات الورديه و الزرقاء شكلها ماشاء الله حلو
نفسي أفرح زيهم بس نفسي مكسوره ما تتصورون قد إيش
سامحوني إذا كثرت القرقره فوق راسكم
بس هل في أحد منكم حس بكذا و إيش أسوي مع الضيقه إللي أنا فيها
و سامحوني مره ثانيه
و الله يسهل على كل الخوامل الحمل و الولاده
و يفرحنا بأطفال سليمين متعافين من غير زياده و لا نقصان
السلام عليكم ورحمة الله و بركاته
بتابعكم أخواتي من حين لحين لإني راعية عمليات
و من قبل قلت لكم...
تصدقين و الله أنا لي واقعه أنا وزوجي في مشكله و ما ني عارفه لها حل و من كثر ما أفكر فيها و أقهر حالي عليها
و الله ثم و الله قبل كم يوم أشوف شعره شيب على جنبي اليسار و ما قد شفتها من قبل شهر و الله إني حزنت و خفت على
نفسي لا يصيبني مرض و إلا البنت إللي شايلتها يصير فيها شيء لا سمح الله
و بأخفف على نفسي بالقرآن و الحمد لله
أدعولي يمكن الدعاء لي في ظهر الغيب يستجاب لكم و يرزقني الله من حيث لا أحتسب
و يفرحني رب العباد بالفرج من عنده في القريب العاجل
و إن شاء الله بأحاول أشارك و أسولف معاكم
بس تراني أنا من النوع المتابع الصامت لكم
و الله يسهل لجميع الحوامل الحمل و الولاده