اذ هذا الي تحسين فيه من وقت الملكه ومن قبل الحمال فمعناته مو من الحمل
هذا معناه فعلن م حبيتيه بس مع الوقت بتحبينه تذكري كل شي حلو يسويه لتس وحبه لك لدرجه يوفرلك كل شي قبل م يوفر لنفسه غصب بتحبينه مع الوقت بتعودين عليه وتحبينه اعطي نفسك فرصه وترى شخص يحبك ويسعى لسعادتك افضل من واحد تحبينه ولا يحبك ولا يفكر فيتس ومبهذلك ترى اغلب البيوت كذا اوقات الحرمه تموت ع زوجها وهو عادي واوقات هو يموت عليها وهي عادي وين لمن تحصلين ثنيناتهم متوازنين في المحبه
ادحري الشيطان وتعوذي منه وترى ماكل البيوت تبنى على الحب وانتي بعد مزود عليك ه التفكير مع الحمال واصحك تفكري في حد غير زوجك او تقارني بينهم كلن فيه عيوب وحسنات
ادعي ربي دائم يؤلف بين قلوبكم والله يسعدكم

طيب ماشفتيه قبل الزواج
عالعموم حاولي تتقبليه ولاتنسين بيكون ابو ولدك وادعي ان ربك يجمله بعيونك ويرضيك فيك
ومع العشره بتتقبليه وتحبيه لاتستعجلي

الف مبروك الحمل والله يتمم لك على خير ....

ياروووحي ذا من الحمل بعد ماتولدي ان شاء الله تدورينه دوار تكحلين عينك فيه .... وزوج اختك الله يخليه لها ويسخره ﻻتقارني ﻻن باﻻخير انتي الخسرانه

مشكلتك حملتي بسرعة

حبيبتي اكيد الحمل له دوور كبير بالي تحسين فيه وبعدين وش فايده الوسيم لا جاك اخلاقه زفته ويسب ويشتم ويضرب وخاين ومقصر طبعا مااقول الكل بس ربي عطاااك زوجك عرف قدرك وهذا يكفي ولو تقري المشاكل الي هنا يشيب راسك من تصرفات بعض الأزواج وانتي اكيد في شغلات تحبيها بزوجك وانتي ارسمي له احلي صورة مثلا اذا تحبين السكسوكه قولي له سويها اذا تحبينه مشخص اطلبي منه يلبس ثوووب مثلا يقصر شعره او يطوله او يحلقه بشكل معين انتي فصليه علي الصوره الي بخيالك وخلاااص