السلام عليكم ورحمة الله وبركاته
غالياتي وأخواتي العزيزات عندي مشكلة وتعبااااااااااااانة مررررررررة منها ..أرجوا من الله أن يجعلكن سبب لحل مشكلتي..
أخواتي ..أنا حامل وممنوعة من الخروج من الدكتورة وممنوعة من الحركة الكثير..تعرفوا قدإيش أنا ضيقانة من الحبسة لكن أحمد الله أني حملت وأرجوا من الله أن يتمه ..آمين..
المشكلة هي:
أنا متزوجة لي 8 سنوات وعندي ولد عمره 7 سنوات..بعد زواجي بثلاث سنين زاد الضغط على زوجي وعلي بسبب مشاكلي مع أهله بسبب التفرقة والعنصرية في المعامة بيني وبين زوجة ولدهم الأخرى..مرة من المرات رحت بيت أهلي بعد خصام أبو زوجي وترجاني زوجي إني ما أخرج وأنا أصريت..رحت بيت أهلي ورجعت بعد يومن ولقيت زوجي مغسول مخه تماما وللأسف إلى الآن..يعني من يوم خرجت من بيتي إلى الآن وأناعايشة مع زوجي وكأنه واحد ثاني مو هو زوجي..
سبب تغيره علي أخته حسبي الله علها قالت له إنه خاضعلي وليش كدة ومن هالكلام وإنه لازم يغير معاملته معي ويصير رجال..
من ذاك اليوم زوجي إذا عصب يفقد أعصابه ويحذف باللي في يده أو قريب منه ويصرخ ويخرج وأنا أصير الله يكرمكم في حالة إسهال وإستفراغ وإستغفار ودعاء إالين مايرجع..للأسف أنا سريعة الإنفعال والعصبية وعندي إستعداد أتغير وفعلا تغيرت كثير بفضل من الله وحده عشان ما أخلي زوجي يعصب..لكن أحيانا أفقد زمام الأمور وأنفعل وزوجي يعصب..المشكلة مو هنا بس..زوجي أحيانا يخرج وينسى موضوع الخلاف وأنا أكون في البيت في حالة هلع إنه يكون معصب علي وأستفرغ وبطني تعورني ويجيني ضيق وخنقة وأحس نفسي أبغى أنفجر وأقول في نفسي ..حتى إذا ماكان معصب يمكن أحد يفوله شي ينرفزه منك ويتعصب يعني إنتي رايحة فيها رايحة فيها..إنتي مالك نصيب بالنجاح والإستمتاع والإستقرار..إنتي السبب ..إنتي وإنتي وإنتي..آآآآآآآآآآآآه ..هو كريم وطيب جدا لكن إذا عصب خلاص أروح فيها ..أحس إنه ممكن يطلقني لاقدر الله ..أحبه وتعبااااااانة من هالإحساس..أحس إني بفقده في أي لحظة..تعبت..أخاف اللي فيني يكون وسواس قهري..
أخواتي سؤالي:
هل أصارح زوجي بالخوف والهلع الدائم اللي فيني..ولا أخاف يستغل هذي النقطة وأصير ضعيفة بنظره ..أريد الجواب منكم الله يخليكم جاوبوا..وأي إستفسار أنا بجاوب بإذن الله.
يلزم عليك تسجيل الدخول أولًا لكتابة تعليق.
nada60
•
لا حبيبتي لا تبينين له انك مهتمة من عصبيته او خايفة منه لانه راح يزيد عليك اهم شي انك ما تهتمين ولا تبيين زعلك
الصفحة الأخيرة
وادعي ربك دايم يشغل من تسلط عليك