حامل و تعبت من الالتهابات البولية

السلام عليكم.  
كيف حالكم خواتي؟ و كيف الكرشه و الثثقل معاكم خخخخخخخ 

خواتي انا حامل في منتصف الشهر الرابع، الله يتمملي و يتمملكم على خير و يسهل الولاده و يرزق كل مشتهي يارب 

من حملت و انا اعاني من التهابات المسالك البولية اكرمكم الله، اخدت مضاد حيوي اوجمنتين مره في بداية الحمل و مره قبل اسبوعين تقريبا، و الدكتور قالي اشربي سوايل كثير،  صايره اشرب لترين مويه في اليوم زي الدواء، بس تعبت كثير من الروحة و الجية الى دورة المياه اكرمكم الله، و الدكتور قالي لازم راحة تامه لانو حملي حرج،  طيب روحتي و جيتي هادي غصب عني ايش اسوي، الموضوع جدا مزعج و تعبت من كثر ما اشرب مويه و قاعده احاول انوع يعني مويه و فواكه مليانه مويه و شوربات و هيك يعني، انتو زي حالتي حياتكم في الحمام خخخخخخخخخخخ انهلكت و حتى جوانبي صارت تالمني من كثر تجمع البول :( :( 

و طبعا عشان الوحده تتجنب الالتهاب لازم المثانه تتفضى اول باول مجرد ما يصير فيها بول لازم تتفضى، حبس البول يجيب التهابات بوليه، هادي معلومه اول مره اعرفها