حاولت أطنش هالقسم بس ماقدرت ورجعت بقوه

هلا بنات ,, شحالكم ؟

خواتي ,, قصتي مثل قصص وايد منكم ,, فيه اللي يعرفها واللي لا ,, المهم وبالمختصر ,, تأخر حمل ,, والحمدلله بعد فتره عديت هالمرحله واتطورت ,, استويت أحمل ,, لكن !! حملي مايكمل ويسقط في الشهور الأولى ,, والحين انتظر المرحله الثالثه بإذن الله اللي هي ,, حمل مستمر وسليم ,, وكل شي بأمره تبارك وتعالى ,,

البارحه واليوم سرت عند حرمه تمسح (تمرخ ) قالت النفس ملتاحه يعني الرحم مايل وقالت خلاص يكفيك مب لازم تين اليوم الثالث كما هو معروف لكن احس ان بطني خلاص مايتحمل الهواء يمر عليه الم فظيع لكن لأجل عين ممكن اتحمل ,, واشرب خلطة عيون وليد ,, ويوم الخميس عندي موعد مع الحجامه ,,

ما أدري ياخواتي ,, هل عادي اسوي حجامه في نفس الوقت اللي انمسحت (تمرخت) فيه ؟ احس انه عادي بس بعد اوسوس ,, شوروا عليه يابنات ؟؟؟

الحمدلله خواتي انا مش معترضه على ارادة رب العالمين ,, وراضيه باللي كاتبنه لي ,, لكن ودي اشم ريحة بيبي أكون أنا أمه :( ابا احضنه واشيله ويصحيني من حلاة نومي ,, ويملا صحراء حياتي المقفره ,, حاولت ما أفكر في الموضوع واتناسى بس ماقدرت تعبت زياده ,, قلت خل أفضفض لخواتي ,, لأن مايحس فيك الا اللي في نفس وضعك ,,


الله يرزقنا جميعا برحمته التي وسعت كل شي