حاولت اصلح المشكله طحت بمشكلة ثانية أيش الحل ؟؟

أخواتي ارجو منكن مساعدتي ولا تبخلوا علي بشئ مهما كانت النصيحه بسيطه تأثر والله وتجيب نتيجة

انا عندي مشكله مع خطيبي
حاولت اصلحها وتحملت كل شئ عشان ما اخسرة
ولما جلسنا نتفاهم والمشكله الحمد لله بدت تنحل وهو بدى يلين ويرضى

تدرون ايش صار
بالغلط بقوله حبيبي ....... قلت اسم خطيبي اللي كنت فاسخه خطوبتي معه من أكثر من سنتين والله ما كان قصدي وحتى مو على بالي بس يمكن كان الموقف مشابه عشان كذا طلعت مني بدون قصد

هو كان متفاجئ كثير قال لي
معقوله انا ما قدرت انسيك اياه
معفوله كل هالفتره على بالك
انا حبيتك اكثر منه
وانا فتره خطوبتي معك استمرت كثير
انتي ما صار لك حتى سنه معه معقوله تكونين تحبينه كل هذي الفتره ووووووووو
أسأله كثيرة حاولت افهمه اني نسيت خطيبي الأول من زمان واني مستحيل اخونه حتى بالتفكير بس هو بقى سرحان وما رد علي
وقالي تدرين اني مكنت ناوي ارد عليك اليوم مع اني مطنش اتصالاتك بس داخلي كان يبيك بس والله ندمت كثير اني رديت الان
حلفت له بكل شئ ضحك وقال والله تضحكين جاية تصلحين موقف وتطيحين في ثاني يلا الله كريم بس صج انا مظلوم معك كثير
فجأه انقطع الخط ما ادري هو الخط فصل كل ما احاول اتصل يقول انه الخط خارج منطقه التغطية وبعدين مقفل
خطيبي عصبي ومنفعل ولما يعصب يفسر الأمور على كيفه وغيور جدا بس قلبه طيب

قولو لي ايش اسوي معه ارجوكم والله مو قادرة انام احس اني بجن من التفكير :(