حاولت اصيررر نعووومه....وياليتني بلعت العافيه

ميــــــمو. • 20 سنة

نسوووومه الظاهر النعومه في ديره وانتي في ديره ههههههههههههه :30:

ههههههههههههه قويه والله دخلتي عندهم

طيب وش رايك انا لحقتني بقره بقرون
وربي بغى يطير عقلي
وتسمعين اهلي يشجعون علبالهم سباق الثيران

الف مبرووووك عيوني عالتميز وعساه دووم :icon28:
والحمد لله رجع لنا بالسلامه

م ي م و

عذبــــــــة الروح • 20 سنة

رجـــــــعـــت

اول شئ تراني حجزت قبل لا ادري انك قايله لااحد يقول محجوز >>تكفين يالمطيعه خخخخخخ

منهي عذيب !!
لا يكون انا !!
ان كانه انا فالله يسلمك مير ماعليك قاصر يالداجه >>تعرفون تمدحون والله خخخخخخخ
وان كانه موب انا فالله لا يهينك لقطي خشتي معي خخخخخخخخخ

لا عاد ذي اكيد انها انا ..
>>اللي على راسه بطحا يتحسسها هع
عندي لتس بشارة >>امححححححححححق
ترى ذا الرد شكله اطول من موضوعتس نفسه :hahaha:
يعني تقبلي الصدمة بصدر رحب واحتسبي ومأجورة ان شاء الله واحسن الله عزاكم

أجل تبين تصيرين هايدي يانسوم لو انتس مير قايله فلونه البق ذي على الاقل هع هع >>مااواطنها ذا الفلونه تجيب الهم لا شكل ولاصوت يالله لك الحمد >>هييييي يام الشباب تراه كرتون اعصابك

بس تصدقين انا مااحب هايدي مره..ماادري مااحسها ترضي طموحي احس سالي اطلق منها
وباختصار ماكانن ذا البنيات يحوسون بعقلي مثلك انا بصراحه كان لاعبن في حسبتي كابتن ماجد وخويه الثاني رابح
>>لا تفهموني غلط ترى قصدي شريف ياجماعه
وش اسوي تعجبني مزعتهم للكوره ياختي احسها حريييفه خصوصا لا غيرت الكورة اتجاهها سبحان الله بقدرة قادر تدرعم بالمرمى وشلون مدري
والا تشق الشبك والا تنفقع من قوي المزعه يعني >>انواااع النصب عليهم وحنا مخفات مغير ندربي في ذا الروس
والتفال يدهر وانا اناظر ( من الحماس يعني :biggrin: )والقلب ددم ددم لا قربت الكورة من المرمى >>مصدقه هي ووجهها

أجل حاولتي في الدجاج ولا عطاك وجه خخخخخخخخخخخخ
مزدي فيتس والا احد يفرط بالضنا !!

انا مرة حبني ببغاء تصدقين !!
ايه كنت توني قايمه من النوم ونازلة اشرب مويه الا واسمعه يرطن باسمي العذب وانا اللي امددددد الشوووط هبلني هالهيس الاربد ..
لو اني داريه كان فرحت هماني بس باصير ناعمه كلش يهون ..
بس ماش ماصرت نعومه الى هالحين
هقوتس مفعولة مابعد وصل !!

نسووم انتي متأكده انتس أبله !
من جد بالله تأكدي اخاف غلطانه !
الله يخلف على بزارينا كان ابلاتهم بذا الرجه هع هع
>>اشوى اني موب صايره ابلا والا كان على الدنيا السلام خخخخخخخ

يعطيك العافيه نسوووم من جد موضوع تحفه ورايق ..
ارنعينا بمثلة كل ماجاتلك فرصة يالدوبا لا تتغلين لا بكف >>تراني الزم اني وخشتي خخخخخخخخخ
ومبرووووووووووك مبرووووك التميز يالمنسمه ..
اخييييييييييييييرا طلع ذا المميز اللي نسمع به ولا نشوفه !!
تصدقون من طبيت هالواحه ماشفت احد ماخذ المميز !!
لدرجة اني حسبت ذا الموضوع مغبر من قبل لااجي !!
لها الدرجه قحط !!
الله يحسن الحال من جد شئ يحزن >>متأثرة بقوة على المصرقعين اللي ماادري وين اراضيهم

ويعطيك العافيه مرة ثانيه خيتووو

اختك :
عذبذب