حاول يخطف السياره وأنا وبنتي فيها انتبهوا قفلوا عليكم السياره..

مساء الخير ........................



يابنات أنا توني داخله بيتي وأكتبلكم وأنا خااايفه , هذا الله يسلمكم رحت انا وزوجي وبنتي عمرها 5 سنوات مشوار لاتقولون وين لأني والله ماادري وين رايحه الله لايبلاكم أحب الدوجه اللي مالها معنى تعودت ماأقعد في البيت ماارتاح تجيني حكه , المهم اذن المغرب نزل زوجي للمسجد مقابل د.كيف اللي في المرسلات وانا بالسياره مع بنتي المهم انا كل مانزل زوجي من السياره اقفل البيبان بالزر طبعا" مخلي السياره شغاله عشان المكيف دايم هذي طريقتي بس ماعمري تعرضت لموقف , الا اليوم انا جالسه العب في جهازي آيفون الا الرجال اللي جاء وحاول يفتح السياره وحاول وأنا أناظر فيه مصدومه وبنتي تقول ماما يحاول يفتح الباب وأنا مبلمه بس أناظر فيه ويوم عرف انها مافيه أمل مشى وأقوم أخبي الجوال واضرب بوري طوووووووووووووط طوووووووووط والرجال اللي يمشون يناظرون مايدرون وش فيه لين ابتعد لأن زوجي مقفل القزازه حقتي من عنده المهم راح وعدت على خير الله ينتقم منه والله يابنات انه رجال كبير في السن مو صغير اللي يشوفه يقول انه محترم أنا قلت يمكن شاف الجوال وحاول يخطفه من يدي بس ليش ماجا من عند بابي ؟ الحمدلله اللي ستر وفعلا" بعض الطلعات مالها داعي والله البيت آمن وأستر .