حا فز استبعدوني وسبب غريب

لأ ول مره اكتب موضوع في هذا المنتدى الراقي وسبب سوالف حافز الي ما راح تخلص حافز استبعد ني هذا الشهر والسبب غلطت موظف في الجوازات كانت لي سفره من 13سنه طبع السالفه بعيده ونسيناها بس رجعها حافز الله واكبر عليه المهم جيت من السفره وطبعا كانت السفره برا المملكه موظف الجوزات ما سوالي دخول للمملكه واناجيت وعشعشت في وطني العزيز وجبت عيال وحجيت ابشركم وكل هذا واضح عند حافز بس ما سجل دخولي للمملكه يوم كنت مسافره من 13سنه عاد صادوني وكأن الاسباب الاخر مهي موجوده وهي واضحه قدامهم طبعا اتصلت عليهم وسالتهم قالو قدمي اعتراض وروحي للجوزات يعدلون مشكلتك راحنا وعدلو المشكله ودقيت علي حافز وقلت لهم عدلنا مشكلتنا وش اسواه بعد قالو خلاص انتظري راح يدقون عليك ولحد ها اليوم مأ حد دق علي عاد عرفتو سالفتي برجع المربط الفرس وهو سوألي من مثلي صارت لها هذي المشكله وش سوت وكم المده الي يسغرقونها علشان يأهلوني من جديد معهم ونسيت مأ قولكم اني كنت استلم الدفعات الاربع الي راحت وبعد كاتبين حالات المستفيد 6وانا ما اخذت ألا أربع دفعات تكفى يبنات حواء الي صارت لها مثل مشكلتي تفيد ني والي ما عندها خلفيه بس تخدمني برفع الموضوع وشكر ا لكل وحده تفيدني او ترفع الموضوع..............