المشاركة الأصلية كتبت بواسطة %%نورا%%
السلام عليكم ورحمة الله وبركاتة
اول شي مشكورة ام بسوم على فتح هالملف فعلا ياعسل جاء بوقتة والله يجعله في موازين حسناتك ياعسل
واقول لكل الحوامل الله يهون عليكم ويسهل لكم ويرزقكم بالي تتمنون
انا حاليا حامل بالشهر الخامس وهذا ثالث حمل ليه بس اول مره حاولد في مكة
كنت اراجع في مكة في مستوصف الهدى عند دكتورة امال ماعليها بس كنت اولد بجدة
بالنسبة لمراجعتي انا حاليا اراجع بالتونسي عند دكتورة اكركي سونار مع كشف ب150 وفية خصم للمعلمين وموضفين وزارة الداخليه يعني يطلع 70 كشف وسونار هي استشارية بس شايفه عمرها مرررررررررررره
شكلها فاهمة بس مارتحت لتعاملها مع ان حريم العيلة اغلبهم ولدو عندها واتوقع ولادتهم ب5000
صديقتي تولد في بخش مررررررره تمدحهم والولاده عندهم ب3000 وشي
يالله اتمنى اكون افدتكم
سي يو
حبيبتي هل الولاده عليها خصم بالنسبه للمعلميين

نفس السؤال

بالنسبة لعيادات عباس صيرفي مقابل مستشفى النور

تعرفون مستشفى عنده السونار الرباعي وكم سعره

خيبتوا املي في الرفيع
كنت متخيلته مرررره تمام الولاده
بس دام كذااااا وععععععععععع


اولد في النور اصرف لي
انا ولادتي الاولى كانت في النور
وكانت تمام وكانوا على راسي كلهم دكتورات وماجاني ولا دكتور وخياطتهم حلوه
دكتورتين هنديات ودكتوره مصريه الله يسعدهم


بس تصدقون دخل مزاجي باشراحيل

السلام عليكم...

موضوع حلووو يعطيك العافية ربي...

انا دحين حامل في اخر الشهر السابع ...

وعندي ولد عمره سنة و3 شهور ...

ولدته في الرفيع عند الدكتورة منال...

اقلكم ايش ولاايش على المستشفى الزفت ...

لاممرضات ولادكتورات ..

الممرضات في كشك الولادة مرة عصبيين وبس يصرخو وانا متالمة وكل مااناديهم مايردو هم بس قاعدين يتفرجو على قناة دريم ..وسايبينني..

ولايعطوكي كمامة للالم ولاشي..غير في غرفة الولادة جوة ..
بعد ماقعدت 18 ساعة عندهم واكلت الالم كله ..

وموراضين يجيبوا موية لماما ...مسكينة ريقها نشف من خوفها علية ..

والممرضة المصرية لماحطت لي الابرة حقت المحلول مرررررررة مؤلمة وعفشة وحطتها غلط وصارت يدي تتنفخ واتخدرت وماعدت حاسة بكفي...لمافي الاخير جات وحدة تانية وانفجعت وفكتها ...وقعدت اسبوع يدي مورمة ولونها ازرق..

وبعد ماتاكلي الالم كله يجروكي جر على غرفة الولادة ..ماينقلوكي لابكرسي ولابسرير ...

وبعدين تدخلي جوة غرفة الولادة السرير عالي يبغوكي تطلعي ووقتها تكوني تبغي تموتي من الالم وراس البيبي يبغى ينزل مااقدرت اطلع الا بعد ماطلعت روحي ودوبي قعدت وصابني شد عضلي في رجلي من عند مفصل الفخد لاني طلعت بشكل غلط وجيت ابى اعدل جلستي عشان اريح رجلي مالحقت .. الاتجي الممرضة المصرية وتجر رجلي وهي فيها شد وتعورني وتحطها في الحديدة وتقفل عليها ..وانا اجر رجلي وهي تصرخ علي وتجلسني بقوة وتقلي اييييييييييييه بتعملييييييي اييييييييييييه ...
ومشغلين مكيفين على راسك وانتي مكشفة ولايغطوكي ولاشي واقلهم برد قفلو المكيف مايردو يكلمو بعض ويضحكو وحطو الكمامة على فمي عشان يسكتوني...لماخرجت من غرفة الودلاة ورجعت للغرفة اللي قبل الولادة كانت ماما هناك مسكينة تستناني وانا صابتني نفاضة بس ابكي اقلها غطيني ياحرام مابقت شي الا وتغطيني فيه وانا بس اقلها برداااانة ...

وبعدين بعد ربع ساعة جابو نعناع حار شربتة ودفيت ..

الاجاتني ممرضة فلبينية تقلي قومي اغسلي جسمك عشان تطلعي غرفتك .. قلت لها مااابى اغسل جسمي دحين انا بعدين لمااروح غرفتي اتروش على مهلي وبكيفي...
قالت لي ممنوع تخرجي من كشك الولادة من غير ماتتروشي..
المهم مدري وقتها كيف برضو جريت نفسي جر لان خلاص مافيا حيل كل قوتي خلصت لي تقريبا يوم وشوية مواصلة وفوق كده الالم طلق وولادة ...دخلت الحمام غسلت جسمي ولماخلصت قلت لها اعطيني روب حق المستشفى بدال اللي كنت لابسته واتوسخ الله يكرمكم بدم الولادة تقلي لا ..مانعطيكي روب تاني بس واحد البسي من عندك .. قلت لها ملابسي في غرفتي دحين ماعندي ملابس تقلي مانعطيكي روب... بس اتضطريت البس ملابسي اللي دخلت فيهم كشك الولادة..بلوزة وتنورة ...

يعني بالله حتى روب بخلانين يعطوني...

بالله انا رحت اولد واتفع فلوس عشان اتبهدل واتمرمط .. يمكن لو ولدت على الرصيف احسن لي..

وبس هدي تجربتي مع مستشفى الرفيع الله لايرفع عنهم ...

وغير كمان اعرف ناااس كتير لمايولدوو في الرفيع مايستنو عليهم على طول قيصرية يعني برضو الحمدلله احسن من غيري ماولدوني عملية..

ايوة ونسيت اقلكم على الخياطة مررررررررررة سيئة والله انا كنت بكرية ولوتشوفي الخياطة كاانه تنجيد كنب( وبتقولي الدكتورة منال سويت لك خياطة تجميلية )اي تجميلية ولاحسيت انا تشويهية.... والمنطقة مرررة اتوسعت كااني جايبة 4...

خلاص كترت كلام بس والله عشان تنتبهو من هدي المستشفى في الولادة ...

الله يقومنا كلنا احنا وبيبياتنا الجاييين في الطريق بالسلامة ....