my-drem
•
رفععععععع
كيفكم كروشات ان شالله تكونوا بخير
رجعت لكم بقصة ولادتي
في يوم الأحد 3-7 الصباح قمت من النوم صليت الفجر وما رجعت انام وكانت نفسيتي مررة تعبانة لأني خلصت
التاسع يوم الجمعة وكان ضغطي مرتفع وكنت مرة خايفة اني اولد عملية زي حملي الأول المهم قعدت قرأت سورة مريم
وادعية تسهيل الولادة وبعدها جلست على النت شوية بعدين تذكرت ان زوجي اشترى اناناس فرش قطعت حبة كاملة واكلتها لوحدي>>قولوا ماشالله ههه، وكانت مررررة حامضة المهم بعدها بنص ساعة وانتم بكرامة جاني اسهال ومغص
قلت ان شالله قربت الولادة ماعدت ساعتين الا وكل الالم اختفى قلت امري لله وحطيت راسي ونمت في العصر قعدت امشي في البيت وانا من نص التاسع اشتريت زيت خروع بس مترددة اشربه وخايفة ولمن رحت يوم الجمعة لدكتورة منى
قالت اشربيه قلت لها خايفة لأن في حملي الاول شربته وبنتي اتبرزت في بطني قالت ما ثبت طبيا ان زيت الخروع يخلي الجنين يبرز وقالت لي اذا نفستك مو مرتاحة لا تشربيه حتى المشي قالت لا تجهدي نفسك امشي قد طاقتك واذا ماتبغي تمشي لا تمشي الله يسعدها ما تبغاني اتعب وقالت لا تخافي وتشيلي هم وقت ما ربي كاتب يجي بيجي المهم في العصر حطيت ملعقة واحدة زيت خروع في كاسة عصير برتقال واستخرت بعدين شربته وماحسيت بأي شي لين الساعة 10 جا زوجي وقلت له ابغى اخرج امشي عشان ابغى اولد بكرة >>قال لي انتي ضامنة لو مشيتي بتولدي قلت ان شالله لأني في حملي هذا ابدا ما ارهقت نفسي بالمشي مامشيت غير 5او6 مرات بس وما ازيد عن 20 دقيقة وبعد المشي يجيني مغص والم شديييد مكان العملية وانام في الليل والصباح اصحى مافيني شي مع اني افرح لمن يجي الالم اقول لزوجي شكلي بولد وتاني يوم الصبح يسألني كيف الالم اقوله اختفى المهم خرجت ومشيت 30 دقيقة بخطوات متباعدة وسريعة ومعد قدرت أكمل من شدة الألم ولمن رجعت البيت سويت القرفصاء 5 مرات بس ونمت بس كنت احس بالألم وانا نايمة واقول في نفسي زي الالم اللي يجيني دايما ونمت لين الساعة 2 في الليل وفجأة صحيت على الم فضييييييييييييييع قمت طيران على الحمام الله يكرمكم اسهال ومن شدة الم بطني ماني قادرة اخرج من الحمام قلت باخد دش عشات يخف الألم واخذت دش دافي بعدها خف الالم شوية ورحت ابغى انام ودقايق ويرجع الالم لين احس نفسي بنشل ما اقدر اتحرك يقعد شوية ويروح >>انا ما قد ذقت وجربت الطلق الطبيعي المهم قلت بحسب الوقت بين كل طلقة واذا الوقت منتظم هذا طلق وحسبت طلع 10 دقايق بس كان الالم مووووووووووت مكان العملية على طول صحيت زوجي وانا قد بللت المخدة بدموعي وانا ابكي صحي زوجي مفجوع يحسب اذن الفجر قلت له الساعة 3وربع قوم وديني المستشفى قال طيب دقي على دكتورة منى وكلميها دقيت عليها وكلمتها قالت لي تعالي المستشفى انا في كشك الولادة مع انه كان يوم اجازتها بس جات تولد حالة خاصة فيها وهيا من قبل اعطتني ورقة تنويم وقالت اذا جاك الم الطلق تعالي وهم يسولك تخطيط اذا عندك ولادة قولي لهم ابغى دكترتي وانا اجيكي بس الحمد لله جاني الألم وهي موجودة المهم رحت على طوول سويت تخطيط قالت لي الطلق مرررة قوي صار كل 3 دقايق وكشفت الرحم مافتح غير1سم قالت لازم تنويم عشان تكوني تحت الملاحظة لأن ولادتك الاولى عملية المهم للأسف مافي غرف مرررة زحمة لأن يوم الاحد مخصص للعمليات الجراحية والاثنين للقيصريات اعطتني ابرة مسكنة وقالت روحي البيت واشربي اشياء دفية وتعالي الساعة 9 الصباح ان شالله تكون في غرف المهم رحت عند امي والالم مستمر واختي علمتني على التنفس العميق عند الطلقة وكان يخفف عني الالم ورجعنا الصباح بس للأسف مافي غير غرفة مشتركة درجة اولى فل اخذنا مشتركة وقالوا لنا مؤقت لين تفضى غرفة وطبعا لمن رجعت ونوموني دكتورة منى ماهي موجودة لأن يوم الاثنين اجازتها بس كانت تتابع حالتي بالتلفون وكانوا الممرضات مررة مهتمين كل شوي يسوا لي تخطيط وهي تدق على جوالي وتسألني كيف حالي المهم والله انها عسل الله يوفقها يارب طبعا انا مررررة خوافة ومن الخوف برد الطلق عندي صار مرررة بارد ومتقطع يعني ما احس بالم مرة المهم طلعونا غرفة درجة اولى المغرب وجات قابلة من اللي في كشك الولادة قالت لي ان الدكتورة منى طلبت منها تكشف وتشوف الرحم ولمن كشفت حطمتني قالت لي زي ماهو 1سم والراس ما نزل الحوض مع انه من الظهر صار ينزل معي دم كل ما اروح الحمام انا اتحطمت مرررة وصرت خايفة اكثر دقيت على الدكتورة وكلمتها قالت لي لا تخافي ان شالله يفتح على مهله لأن طلقك برد والراس ممكن ماينزل الاوقت الولادة...
انا تطمنت شوية وحطيت راسي ونمت من الساعة 12 الليل لين 4 الفجر وصحيت على الم المغص وقمت جلست امشي في الغرفة ماشالله الغرفة كبيرة وسويت تمارين القرفصاء 10 مرات بعدها حسيت ظهري بينكسر من الالم جلست اريح الا الدكتورة منى جاتني وكانت الساعى 5ونص الفجر قاست الرحم وكانت يدها ماشالله خفيفة والله ماحسيت بألم وبشرتني انه فاتح3ونص والراس نزل في الحوض الحمدلله وسوت تخطيط وقالت طلقك بارد بعطيك ابرة تحمي الطلق قلت لها اخاف العملة تتضرر قالت لو بيضر العملية ما نعطيك هياقلت لها طيب توكلي على الله اعطتني هيا وراحت وقالت شوية وارجع اشوفك طبعا انا لسى في غرفة التنويم مانزلت الكشك ماعدت نص ساعة الا انا بمووووووت من الالم وجسمي يرجف واستفرغ وانا بطني فاضية لأنهم حطولي حقنة وادق الجرس محد يرد من الممرضات لأنه كان نهاية دوامهم واللي دوامهم الصباح لسى جايين قمت اتصلت على جوال الدكتورة وانا ابكي واقولها بسرعة تعالي الدكتورة انفجعت وجات وانا اتنافض وامي تهديني قلت للدكتورة خلاص ابغى عملية قالت لي لأ دحين خلاص تنزلي الكشك وتاخذي مسكنات ويخف الالم قلت طيب ابغى امي تنزل معاي قالت لي ممنوع قمت ابكي قالت خلاص بندخلها معاك مع انه ممنوع ونزلت الكشك وكانت الساعة 6 وامي معاية والممرضة حطت لي ابرتين في العضل واعطتني الكمام وقاسنت الرحم وكان 4ونص والحمد لله مع الكمام ماصرت احس بالألم مرة اكثر شي كان يعورني العملية وكانت الدكتورة تروح وتجي عليا وتهديني ولمن تجي بتروح انا اصيح اقولها خليك لا تسبيني تقولي انا دحين مافي يدي شي ادعي ربي هو اللي يقدر اساعدك انا وقت ما اقدر اساعدك اكون جنبك والله انها حنووونة حتى امي تدعي لها وكنت احس اني في حلم واحس الوقت ما يمشي بس كنت اقول لأمي سامحيني بموت وامي تقرأ عليا وتدعيلي وتشربني زمزم الله يسعدها ولا يحرمني منها ويرزقني برها لين جات الساعة 8 الا ربع الا واصيييييييييييح ابغى الحمام والممرضة تقول لاااااااااا استني انتي ولادة خلاص وطبعا طلعوا امي من غرفة الولادة هذا الوقت وجات الدكتورة ورفعوا السرير خلوني صرت جالسة ورفعوا رجولي على شي
بس مو مرة مرفوعة والممرضة حطت لي ابرة في المنطقة والدكتورة وسعت وما حسيت بألم وصارت تقولي وقت الطلقة دفي واذا راحت الطلقة وقفي وبعد صرااااااخ ومعاناة والنونو ما خرج قالت لي الدكتورة لا تصرخي خذي نفس واكتمي صوتك ودفي لان الصراخ ياخذ مجهودك والنونو يتعب اذا ما ساعدتيه وفعلا سويت زي ماقالت والحمدلله خرج ولدي بالسلامة الساعة 8 الا 5دقايق ، وسبحان الله والله ماحسيت بألم خروج الراس وما عرفت انه خرج الا لمن الدكتورة والممرضات صفقوا لي فتحت عيني شفته وغمضت لأنهم مبنجين المنطقة بعدها طبعا جا وقت الخياطة وكنت شايلة همها لكن الحمدلله ماكنت احس بألم وبعد ما خلصت خلوني ساعة ونص في الغرفة عشان يتطمنوا انه ماعندي نزيف بعدها طلعوني غرفتي وكانت امي في انتظاري وبعدها جابوا ولدي وكنت مررررة فرحانة وحسيت اني سويت انجاز كبير والحمد لله اني ربي اكرمني بالولادة الطبيعية وجا ولدي بالسلامة وهو بخير ونعمة ..
وبالنسبة لسعر الولادة الطبيعي للي سألوا ب5000 بس انا تأمين ما دفعت ولا ريال
والدكتورة والممرضات زي العسسسل سواء اللي في الكشك او اللي في قسم التنويم والله اللي تولد عند دكتورة منى ماراح تندم وتدعيلي
وبالنسبة للخياطة انا كنت اطلب منها تجميلي بس من التعب وقتها ما افنكرت شي ولا قلت لها شي بس هيا الله يسعدها خيطت لي خياطة مررة حلووة حتى لمن شفت الخياطة ما لقيت خيوط بس عقدة في البداية وعقدة في النهاية والخيط من جوة يعني المنطقة ما تتشوه من الخياطة والغرز داخلية وخارجية..
وبالنسبة لسرير الولادة فكرتة مرة حلوة مايتعبك وقت الولادة لانك تكوني جالسة ولمن النونو يخرج ينزل بسرعة والدكتورة تمسكة يعني ما تسحبه ،حتى التنظيف يكون اسرع واحسن من لمن تكوني منسدحة ..
هذه تجربتي في ولادتي في مستشفى التونسي واي سؤال انا حاضرة....
والله يسهل ولادة كل الحوامل ياااااارب ،،،
رجعت لكم بقصة ولادتي
في يوم الأحد 3-7 الصباح قمت من النوم صليت الفجر وما رجعت انام وكانت نفسيتي مررة تعبانة لأني خلصت
التاسع يوم الجمعة وكان ضغطي مرتفع وكنت مرة خايفة اني اولد عملية زي حملي الأول المهم قعدت قرأت سورة مريم
وادعية تسهيل الولادة وبعدها جلست على النت شوية بعدين تذكرت ان زوجي اشترى اناناس فرش قطعت حبة كاملة واكلتها لوحدي>>قولوا ماشالله ههه، وكانت مررررة حامضة المهم بعدها بنص ساعة وانتم بكرامة جاني اسهال ومغص
قلت ان شالله قربت الولادة ماعدت ساعتين الا وكل الالم اختفى قلت امري لله وحطيت راسي ونمت في العصر قعدت امشي في البيت وانا من نص التاسع اشتريت زيت خروع بس مترددة اشربه وخايفة ولمن رحت يوم الجمعة لدكتورة منى
قالت اشربيه قلت لها خايفة لأن في حملي الاول شربته وبنتي اتبرزت في بطني قالت ما ثبت طبيا ان زيت الخروع يخلي الجنين يبرز وقالت لي اذا نفستك مو مرتاحة لا تشربيه حتى المشي قالت لا تجهدي نفسك امشي قد طاقتك واذا ماتبغي تمشي لا تمشي الله يسعدها ما تبغاني اتعب وقالت لا تخافي وتشيلي هم وقت ما ربي كاتب يجي بيجي المهم في العصر حطيت ملعقة واحدة زيت خروع في كاسة عصير برتقال واستخرت بعدين شربته وماحسيت بأي شي لين الساعة 10 جا زوجي وقلت له ابغى اخرج امشي عشان ابغى اولد بكرة >>قال لي انتي ضامنة لو مشيتي بتولدي قلت ان شالله لأني في حملي هذا ابدا ما ارهقت نفسي بالمشي مامشيت غير 5او6 مرات بس وما ازيد عن 20 دقيقة وبعد المشي يجيني مغص والم شديييد مكان العملية وانام في الليل والصباح اصحى مافيني شي مع اني افرح لمن يجي الالم اقول لزوجي شكلي بولد وتاني يوم الصبح يسألني كيف الالم اقوله اختفى المهم خرجت ومشيت 30 دقيقة بخطوات متباعدة وسريعة ومعد قدرت أكمل من شدة الألم ولمن رجعت البيت سويت القرفصاء 5 مرات بس ونمت بس كنت احس بالألم وانا نايمة واقول في نفسي زي الالم اللي يجيني دايما ونمت لين الساعة 2 في الليل وفجأة صحيت على الم فضييييييييييييييع قمت طيران على الحمام الله يكرمكم اسهال ومن شدة الم بطني ماني قادرة اخرج من الحمام قلت باخد دش عشات يخف الألم واخذت دش دافي بعدها خف الالم شوية ورحت ابغى انام ودقايق ويرجع الالم لين احس نفسي بنشل ما اقدر اتحرك يقعد شوية ويروح >>انا ما قد ذقت وجربت الطلق الطبيعي المهم قلت بحسب الوقت بين كل طلقة واذا الوقت منتظم هذا طلق وحسبت طلع 10 دقايق بس كان الالم مووووووووووت مكان العملية على طول صحيت زوجي وانا قد بللت المخدة بدموعي وانا ابكي صحي زوجي مفجوع يحسب اذن الفجر قلت له الساعة 3وربع قوم وديني المستشفى قال طيب دقي على دكتورة منى وكلميها دقيت عليها وكلمتها قالت لي تعالي المستشفى انا في كشك الولادة مع انه كان يوم اجازتها بس جات تولد حالة خاصة فيها وهيا من قبل اعطتني ورقة تنويم وقالت اذا جاك الم الطلق تعالي وهم يسولك تخطيط اذا عندك ولادة قولي لهم ابغى دكترتي وانا اجيكي بس الحمد لله جاني الألم وهي موجودة المهم رحت على طوول سويت تخطيط قالت لي الطلق مرررة قوي صار كل 3 دقايق وكشفت الرحم مافتح غير1سم قالت لازم تنويم عشان تكوني تحت الملاحظة لأن ولادتك الاولى عملية المهم للأسف مافي غرف مرررة زحمة لأن يوم الاحد مخصص للعمليات الجراحية والاثنين للقيصريات اعطتني ابرة مسكنة وقالت روحي البيت واشربي اشياء دفية وتعالي الساعة 9 الصباح ان شالله تكون في غرف المهم رحت عند امي والالم مستمر واختي علمتني على التنفس العميق عند الطلقة وكان يخفف عني الالم ورجعنا الصباح بس للأسف مافي غير غرفة مشتركة درجة اولى فل اخذنا مشتركة وقالوا لنا مؤقت لين تفضى غرفة وطبعا لمن رجعت ونوموني دكتورة منى ماهي موجودة لأن يوم الاثنين اجازتها بس كانت تتابع حالتي بالتلفون وكانوا الممرضات مررة مهتمين كل شوي يسوا لي تخطيط وهي تدق على جوالي وتسألني كيف حالي المهم والله انها عسل الله يوفقها يارب طبعا انا مررررة خوافة ومن الخوف برد الطلق عندي صار مرررة بارد ومتقطع يعني ما احس بالم مرة المهم طلعونا غرفة درجة اولى المغرب وجات قابلة من اللي في كشك الولادة قالت لي ان الدكتورة منى طلبت منها تكشف وتشوف الرحم ولمن كشفت حطمتني قالت لي زي ماهو 1سم والراس ما نزل الحوض مع انه من الظهر صار ينزل معي دم كل ما اروح الحمام انا اتحطمت مرررة وصرت خايفة اكثر دقيت على الدكتورة وكلمتها قالت لي لا تخافي ان شالله يفتح على مهله لأن طلقك برد والراس ممكن ماينزل الاوقت الولادة...
انا تطمنت شوية وحطيت راسي ونمت من الساعة 12 الليل لين 4 الفجر وصحيت على الم المغص وقمت جلست امشي في الغرفة ماشالله الغرفة كبيرة وسويت تمارين القرفصاء 10 مرات بعدها حسيت ظهري بينكسر من الالم جلست اريح الا الدكتورة منى جاتني وكانت الساعى 5ونص الفجر قاست الرحم وكانت يدها ماشالله خفيفة والله ماحسيت بألم وبشرتني انه فاتح3ونص والراس نزل في الحوض الحمدلله وسوت تخطيط وقالت طلقك بارد بعطيك ابرة تحمي الطلق قلت لها اخاف العملة تتضرر قالت لو بيضر العملية ما نعطيك هياقلت لها طيب توكلي على الله اعطتني هيا وراحت وقالت شوية وارجع اشوفك طبعا انا لسى في غرفة التنويم مانزلت الكشك ماعدت نص ساعة الا انا بمووووووت من الالم وجسمي يرجف واستفرغ وانا بطني فاضية لأنهم حطولي حقنة وادق الجرس محد يرد من الممرضات لأنه كان نهاية دوامهم واللي دوامهم الصباح لسى جايين قمت اتصلت على جوال الدكتورة وانا ابكي واقولها بسرعة تعالي الدكتورة انفجعت وجات وانا اتنافض وامي تهديني قلت للدكتورة خلاص ابغى عملية قالت لي لأ دحين خلاص تنزلي الكشك وتاخذي مسكنات ويخف الالم قلت طيب ابغى امي تنزل معاي قالت لي ممنوع قمت ابكي قالت خلاص بندخلها معاك مع انه ممنوع ونزلت الكشك وكانت الساعة 6 وامي معاية والممرضة حطت لي ابرتين في العضل واعطتني الكمام وقاسنت الرحم وكان 4ونص والحمد لله مع الكمام ماصرت احس بالألم مرة اكثر شي كان يعورني العملية وكانت الدكتورة تروح وتجي عليا وتهديني ولمن تجي بتروح انا اصيح اقولها خليك لا تسبيني تقولي انا دحين مافي يدي شي ادعي ربي هو اللي يقدر اساعدك انا وقت ما اقدر اساعدك اكون جنبك والله انها حنووونة حتى امي تدعي لها وكنت احس اني في حلم واحس الوقت ما يمشي بس كنت اقول لأمي سامحيني بموت وامي تقرأ عليا وتدعيلي وتشربني زمزم الله يسعدها ولا يحرمني منها ويرزقني برها لين جات الساعة 8 الا ربع الا واصيييييييييييح ابغى الحمام والممرضة تقول لاااااااااا استني انتي ولادة خلاص وطبعا طلعوا امي من غرفة الولادة هذا الوقت وجات الدكتورة ورفعوا السرير خلوني صرت جالسة ورفعوا رجولي على شي
بس مو مرة مرفوعة والممرضة حطت لي ابرة في المنطقة والدكتورة وسعت وما حسيت بألم وصارت تقولي وقت الطلقة دفي واذا راحت الطلقة وقفي وبعد صرااااااخ ومعاناة والنونو ما خرج قالت لي الدكتورة لا تصرخي خذي نفس واكتمي صوتك ودفي لان الصراخ ياخذ مجهودك والنونو يتعب اذا ما ساعدتيه وفعلا سويت زي ماقالت والحمدلله خرج ولدي بالسلامة الساعة 8 الا 5دقايق ، وسبحان الله والله ماحسيت بألم خروج الراس وما عرفت انه خرج الا لمن الدكتورة والممرضات صفقوا لي فتحت عيني شفته وغمضت لأنهم مبنجين المنطقة بعدها طبعا جا وقت الخياطة وكنت شايلة همها لكن الحمدلله ماكنت احس بألم وبعد ما خلصت خلوني ساعة ونص في الغرفة عشان يتطمنوا انه ماعندي نزيف بعدها طلعوني غرفتي وكانت امي في انتظاري وبعدها جابوا ولدي وكنت مررررة فرحانة وحسيت اني سويت انجاز كبير والحمد لله اني ربي اكرمني بالولادة الطبيعية وجا ولدي بالسلامة وهو بخير ونعمة ..
وبالنسبة لسعر الولادة الطبيعي للي سألوا ب5000 بس انا تأمين ما دفعت ولا ريال
والدكتورة والممرضات زي العسسسل سواء اللي في الكشك او اللي في قسم التنويم والله اللي تولد عند دكتورة منى ماراح تندم وتدعيلي
وبالنسبة للخياطة انا كنت اطلب منها تجميلي بس من التعب وقتها ما افنكرت شي ولا قلت لها شي بس هيا الله يسعدها خيطت لي خياطة مررة حلووة حتى لمن شفت الخياطة ما لقيت خيوط بس عقدة في البداية وعقدة في النهاية والخيط من جوة يعني المنطقة ما تتشوه من الخياطة والغرز داخلية وخارجية..
وبالنسبة لسرير الولادة فكرتة مرة حلوة مايتعبك وقت الولادة لانك تكوني جالسة ولمن النونو يخرج ينزل بسرعة والدكتورة تمسكة يعني ما تسحبه ،حتى التنظيف يكون اسرع واحسن من لمن تكوني منسدحة ..
هذه تجربتي في ولادتي في مستشفى التونسي واي سؤال انا حاضرة....
والله يسهل ولادة كل الحوامل ياااااارب ،،،
الصفحة الأخيرة