أم شادن الله يعوضك خير
بسبب هذه المشاكل زوجي يخاف اني اولد في مستشفى اهلي
يقول الحكومي اضمن
ام شاادن <<< الله يعوضك ياارب
حسبي الله ونعم الوكيل
بس حبيت اسئل دكتوره منال في الرفييع ايش لقبها الى الان موجوده؟؟؟
حسبي الله ونعم الوكيل
بس حبيت اسئل دكتوره منال في الرفييع ايش لقبها الى الان موجوده؟؟؟
الصفحة الأخيرة
اول حمل لي في بكري جاني نزيف شديد ببداية التاسع وكنت ناوية اولد بجدة بس كنا نحسب انها حالة طارئه تحتاج تنويم بس ماتوقعنا انها ولادة ورحت بخش وولدتني الدكتورة حنان وحده مصرية طويلة مو الثانية القصيرة .. وفحصتني وقالت الرحم مفتوح 4 سم ولو رحتوا جدة بتولدين بالطريق وخفنا وطلعتني كشك الولادة وطلعت كذااااابه كان يمديني اروح جدة حسبي الله عليها
وانا بالكشك وانزززززف تجي كل خمس دقايق تفحص تعبتني طلعت روحي واعطتني طلق صناعي بغيت اموت منه واخرتها تطلب قهوة وتقعد تشرب وتناظر فيني وعاااادي الموضوع عندها وبعدها قعدت تلعب بجوالها وعقب قامت وفحصتني وقالت لزوجي وماما الله يرحمها وقدامي الكلام تقول اختاروا اما حياة الام واما حياة الجنين !!!!!!!!!!!!!!! الله لايوفقها
ماما انجنت وقعدت تصيح تقول طبعا بنتي وزوجي يقول الام طبعا وبابا برا اسمع صوته يقول انتبهوا لبنتي
وفكت الرحم بيدها وفكت الكيس بيدها حسبي الله ونعم الوكيل
والكمامه اعطوني كمامه خربانه ماتشتغل ويقولون لزوجي انت امسكها واضغط كل شوي عشان يجيها اوكسجين !!!!!
وبدون اي تخدير مجرد ابرة العضل بس ولا لها مفعول حتى
وجات تولدني وتصرخ علي انتي حتموتي الجنين انتي ايه ؟؟؟
والمشكلة ماسويت شي وكل هالألم وانا والله ماصرخت بس دموعي تنزل وانا ساكته
وتجي ممرضة مصرية بكل قوتها تضغط على بطني بيدينها الثنتين بغت روحي تطلع وولدت والولد كان طبيعي 3 كيلو ماشاء الله ويصيح وطيب ومافيه الا العافية الحمدلله
وجا وقت الخياطة وبدون بنج خيطت وخياطة زي وجهها والله شفت الموت قدامي من الألم
وبالاخير جيت اطلع من المستشفى وقالوا لا الطفل يحتاج يوم زيادة بالحضانة وقلنا طيب
وبنفس اليوم في الليل اتصلوا يقولون تعالوا الطفل تعبان
ويوم جيت لقيت ولدي لونه ازرق والاطباء حوله يحاولون ينعشونه بالضغط على الصدر ومات قدام عيوني وكفنوه وعطوني اياه
وزوجي شاف ابرتين جنب ولدي كانت مرميه وقام يصرخ عليهم واخر شي اعترفت الممرضة وقالت هذي ابر جديدة وصلتنا للرئه وجربناها !!!!!!!!!!!
يجربون ابر في ولدي ليش فار تجارب الله لايحللهم لادنيا ولا اخره
والله يجمعني معهم يوم القيامة واقتص منهم واخذ حقي وحق ولدي
وراح الولد والحمدلله على كل حال
وبعدها ولدت بناتي الثنتين بمستشفى سليمان فقيه بجدة قمممممممممممممة قمممممممممممممة من كل النواحي ذوق واخلاق ومعامله حلوه واهتمام ونظافة ومراعاة وقت الولادة وخيااااااطة ممتاااااااااازة ماشاء الله ترجعين كنك عروس
لكن مراجعاتي وقت الحمل الى السابع اراجع بمكة وبعدين اروح جدة اكمل عشان الولادة
اللي اكتشفتهم ممتازين بمكة بالمراجعة طبعا غير كذا ماعرف
الدكتور استشاري مازن داغستاني بمستشفى بخش واستاذ بالجامعة
الدكتورة منال بالرفيع
الدكتور استشاري صلاح سوداني بالتونسي واستاذ بالجامعة
بس هذي تجربتي
ومن ناحية الاسعار ماعرف صراحه لاني على التامين