حبايبي ابغى مساعده في اختيار كريم اساس وبودره يستعمل يوميا

ماك مااستخدمته للحين بس فى نيه انشاء الله واحسن شى ماركه شسيدو واللى تجيى علبه صغيره وتنحط فى علبه اكبر ممكن تشترينها بروحا ارخص انا شريتها من البحرين ب11 دينار واحسن رقم 100 (فرى ليت افورى) وهى البودره الوحيده اللى خلصتها واعجبتنى وابى اشتريها مره ثانيه :24: على فكره اول ما تحطينها تحسين كنه فيها ماى وبعد ثوانى تنشف وتعطيك احساس مخملى :26:

السلام عليكم

أولا: ماك ماركة مو طبية أهيه ماركة مكياج معروفة و يستخدمونها الجميع من خبراء التجميل و مصممين الأزياء العالميين في عروضهم و حتى أحنا الناس العاديين ...

ثانياً: إذا تبين كريم أساس يومي أنا في الفترة الأخيرة جربت كريم أساس جديد من ديور أهوه كريم مرطب و في نسبة ملون وأيضاً حماية من الشمس ،،، يعطيني كفر وايد حلو و أهم شيء انه كريم أساس و مرطب في نفس الوقت يعني ما في حاجة تحطين مرطب قبله .
لون العلبة وردي و أبيض و الله العلبة مو جنبي علشان أكتب أسمه بالكامل ،، و مكتوب فيه haydra-move على ما اعتقد ... و هذا اسم الكريم المرطب لديور .

مشكورات حبايبيياسمين وحبيبه امها وياليت تكتبي لي اسمه حبييبه امها الله يبارك فيكم

وين بقيه البنات ابي مشاركاتكم الله يحفظكم

اهلين ..
شوفي بالنسبه للاستخدام اليومي الكريم الملون ومعاه البودره الحره افضل ..
اذا تبين جربي tinted moisturizer من ماركة جيرلان الوانها للسمر حلوه لانها تعطيها لون شمس ..
و فيه من كلارنس .. وهذي ماركه ناعمه والوان اساسها و بودراتها عمرها ما كانت شهبه ,, عندهم كريم ملون حلو ..
اذا بشرتك انتي خايفه عليها لا تستخدمين اساس ؟؟ الكريم الملون كافي حبيبتي .. بالعكس ممكن يعطيك
لون احلى من الاساس اللي هو بالنهايه( اساس) للالوان اما الكريم التنتد ( الملون ) يرطب ويلون ..

استعملي معاه بودره حره او مضغوطه وبيعطيك نتيجه نظيفه .. ومميزه .
وتحياتي لك ..