حبايبي اخذت كلوميد وابي اشاوركم تفضلوا ادخلوا

السلام عليكم ورحمة الله وبركاته
اخباركم اخواتي

ياليت تطمنوني واللي مرت بنفس حالتي تقولي تجربتها ووش طلع معاها

انا متزوجه حوالي اقدر اقول ثلاث سنوات
لانه باقي بس كم شهر بسيطه واكمل ثلاث سنوات
ربي مارزقني الحمل اللهم لك الحمد
سنتين كامله ماحملت
وباخر ايام السنتين هذي استخرت الله وقلت باخذ كلوميد من نفسي
لاني اراجع من فتره طويله وصابره على بعد المواعيد وبكل مره تقول الدكتوره عندك ضعف تبويض ولكن عمرها ماصرفت لي حبوب ولا اعطتني اي شئ
كل ما اروح تعطيني موعد بعد ثلاثه او اربعه شهور
فاستخرت الله واخذت كلوميد من نفسي
ولا رحت اي مستشفى ولا سويت اي شئ
وانتظرت لاخر الشهر
وبنفس ذيك الفتره نزلت هنا موضوع عن هذي السالفه
وكل الخوات قالولي غلط وهزئوني وخوفوني وقالولي كذا غلط لانه لازم اتابع التبويض عند دكتوره بعد اخذي للكلوميد
وخفت مره

بس سبحان الله العلي العظيم سبحااااااان الله مع اني لاول مره اخذ حبوب منشطه
سبحان الله حللت وطلعت حامل
اللهم لك الحمد
بس ما اراد الله لي انه يتم حملي واكيد خيره لي
اجهضت حملي لشهرين ونص

هذا الاجهاض قبل 7 او 8 شهور بالضبط
و بعدها راجعت المستشفى بس تعبوني بالتحاليل كل مره تحليل مره هرمون كذا ومره هرمون كذا
واعطتني موعد بعد ثلاث شهور
وانا ماتحملت المده
لاني خلاص راح اكمل ثلاث سنوات

فجتني الدوره ذاك الشهر (محرم) جتني يوم اثنين
فاستخرت الله وقلت باخذ كلوميد من نفسي واستشرت ناس حولي وشجعوني

واخذته وتذكرت كلام الاخوات هنا انه لازم اتابع التبويض
ولما كملت حبوب الكلوميد
رحت دكتوره بمستشفى خاص وشافت حجم البويضه كان حجمها بس تسعه في يوم 11
وقالت المفروض تكون حجمها 11 في هذا اليوم مو 9

وقالت روحي وتعالي بعد ثلاث ايام نشوف

رحت بعد ثلاث ايام وشافت التبويض بس مالقيت البويضه
قالتلي خلاص نزلت
قلت لها فيه حمل بعد ارادة الله ولا لا
قالت الله اعلم
وقالت ماراح نعرف فيه حمل او لا الا لما نسوي لك تحليل يوم 21 من الدوره
وصرفت لي حبوب جلوكافوج قالت عشان اذا ماصار حمل تنزل الدوره وما يصير لي تكيسات

وفعلا رحت عندها يوم 21 من الدوره وسويت تحليل دم
وقالت للاسف مافي حمل الله يعوضك الشهر الجاي
ما زال فيه ضعف

قلت الحمدلله ع كل حال
قالتلي تعالي الشهر الجاي من اول او ثاني يوم للدوره ضروري
وقالتلي استمري على الجلوكوفاج حتى تنزل لك الدوره ووقفيها وتعالي عندي اول يومين تجيك فيها الدوره

وقالت راح تجيك في موعدها او تتاخر يومين او ثلاثه

ورجعت البيت اللهم لك الحمد

وانتظر الدوره لانه موعدها 2/2

بس ما جات وانتظرت اسبوع كمان ماجات
فحللت تحليل منزلي وطلع سالب

اليوم لي 11 يوم بعد موعد الدوره ولسى ما نزلت
بس البارح بعد .....:35:
حصلت نقطة دم
نقطه دم خفيفه طبعا بدون اي الم لا اثناء ولا بعد
فقلت هذي الدوره
وقلت راح تبدأ تنزل لان في العاده دورتي تبدأ خفيفه بأول ساعات بعدين تبدأ تكون طبيعيه
بس اللي صار انها مانزلت ابدا

مافي غير هذيك النقطه
فما ادري ليش كذا
ليش مانزلت الدوره؟
وليش نقطة الدم هذي؟

والله ما دري وش السالفه

مين مرت بهذي الحاله وليش ماتزل الدوره وارتاح
معقوله هذا من الكلوميد؟

لاني ماعمري جربته الا مره وحده وحملت في نفس الشهر

قولولي وش هذي الحاله؟
مرت عليكم؟

ويا اخوات بليز لا احد يقولي حللي دم
خلاص حللت منزلي وانشدت اعصاب زوجي
ما ابغى اعطيه امل ثاني ويتحطم