حبايبي الي سوت ولاده قيصريه تخش

اول يوم بعد العلملية صعب تتحركي ويكونو حاطين لك قسطرة لأول يوم فقط وطفلك بالحضانه مايجيبوة لك لكن ثاني يوم لازم تقومي تتحركي تمشي والافضل عندك احد يساعدك على القومة من السرير وبس تمشي تحسي نفسك احسن لكن لازم تداري بمشيك لان الجرح لسى وبالنسبة للبيبي الله يعينك لو ماعندك احد يساعدك اقلها الخمس الايام الاولى والله يهونها عليك وعلينا جميعآ
دعواتك

وعليكم السلام،،
الأيام الأولى جداً صعبه،، كنت احس بالشلل أعوذ بالله
لازم احد يرفعني من السرير عشان لا أشد ع الخياطه ،،

ربك يسهلها من عنده....انا اول ماشالو القصدره قمت ولحالي ..ارفعي السرير الين تصيري جالسه واتكي علي حديد السرير وشوي شوي نزلي رجولك وقومي..والله سهله ومافيها اي الم ..بس شيلي الخوف من قلبك..

الله يهون عليك يالغاليه
انا جربت الطلق وبعد ما طلقت ثمان ساعات ولدوني قيصري
وبصراحه احسه اهون من الطلق بكثير

بيحطون لك قسطره للبوك تكرمين وبعد عشر ساعات الى يوم كامل يشيلونها ولافيها الم ولا شي
لا تحاتين لكن نصيحه لا يشلونها لك بالليل وقت النوم لا خليها لا ريحتي علشان القومه و القعده وقت النوم مزعجه

اول حركه بتكون صعبه شوي ولازم الممراضات يساعدونك بعدها شوي شوي تخف
وكل ما تحركتي اكثر بدون لا تشدين على نفسك كل ما خف الم العمليه اكثر

انا الحمدلله احب اعتمد على نفسي وصرت اجلس السرير مرا اصير كاني جالسه من التحكم و انزله
لين توصل رجولي للارض و اقوم من نفسي على اليوم الثالث و اروح لدوره المياة لحالي و امشي اشوف
ولدي بالحضانه بعد عشر ايام اختي رحت المستشفى لانو ولدي ما طلع وشفت وحده نفس حالتي وقيصري
مسكينه ما تقدر تمشي ولا تتحرك و تصرخ من الالم لانها ما تحركت اول الايام غرفتها جارتي وكنت اسمعها
تصارخ ولا تمشي وانا الحمدلله و الشكر اتحرك طبيعي
سالتني انتي والد قيصري كيف تتحركين كذا امي عاد وسوست قالت لا بنتي والد طبيعي

معليش بطول بالرد اختي بس ابيك تستفيدين

من اول يوم بعد الولاده اشربي شاي نعناع خليها عند راسك او كمون اذا تقدرين تشربينه لانو في غازات
مزعجه مع الجرح

لو جاتك كحه اسحبي نفس قوي وخلي مخده جنبك اول ما تجيك الكحه او العطسه حطيها على بطنك
وضغطي شوي احضني المخده اتمنى فهمتي قصدي
يعني المخده تكون على بطنك تمسك الجرح وانتي حاضنتها بقوه
بعد ما تسحبي النفس القوي حاولي تطلعينها على دفعات خفيفه لا تكحين ولا تعطسين عادي
مايجيك شوي لو كحيتي او عطستي عادي بس في الم بسيط مكان العمليه

بالنسبه للطفل لو انتي جالسه على السرير ان شاءلله عادي تشيلينه بس واقفه او تحممينه او تغيرينه صعب اول
اسبوع

ادري طولت بس حبيت افيدك بتجربتي اختي

مشكورين 
ربي يسعدكم دنيا واخره 
استفدت منكم