انا استخدم للمنطقه الحساسه ملح بالفراوله وهذي هيا صورته
بصراحه انا مره عجبني ورهيب مررررررررره وعمره ماسببلي التهابات او مشالكل الحمدلله
طبعا الدكتوره وصفتلي هوا لمن ولدت
وكمان دكتورة امي وصفتوا لأمي عشان عندهاارتفاع بالضغط فقالت لامي تعبي البانيوا ماء دافئ وتسترخي فيه من 10 دقايق الى ساعه
عشان تحس يالاسترخاء وترتاح وينزل الضغط
اما انا لمن اكون في فترة النفاس استخدمه يوميا ومشالله ريحته تجنن حتى ان رفعت لحاف السرير عشان اقوم ريحته تفوووووح وكمان ملابسي واي شي يخصني تكون ريحته منوا
اما غير النفاس استخدامه 3 مرات في الاسبوع
بس انا احب استخدمه قبل الجماع لان حتى جوزي تعجبه ريحته مره ريحته وتحسي بنضافه وتعقيم لان الملح يعقم
سعره ب55 ريال
مايتواجد بكل الصيدليات انا اشتريه من صيدلية مستشفى خالد ادريس هناك الاقيه دايما
ممكن تلاقيه في العطارات الكبيره
كمان راح اقولكم كدا شي لتجنب الالتهابات
انا الحمدلله ماعمري اشتكيت من التهابات من يوم ماتزوجت ماشالله تبارك الله ولا اعرفها
وراح اقولكم ايش اسوي بصراحه اغسل المنطقه بالماء الدافئ بستمرار واجففها كويس
كمان انا ما البس لبس داخلي اذا كنت في البيت واحس دا الشي الي مايخلي الالتهابات تجي
واغتسل بدا الملح كذا مره بالاسبوع
كمان مره انتبهوا من اديتول جدا ضار بالمنطقه الحساسه حتى الديتول الشخصي ضار ويشيل المناعه من المنطقه الحساسه وتكون معرضه للالتهابات بعد فتره يعني يابنات انتبهوا من الديتول
ياريت يامشرفات مايتنقل الموضوع عشان الكل يستفيد