حبايبي شوروا علي تعبانه

السلام عليكم ورحمة الله وبركاته
كيف حالكم حبايب
اول حاجه انا حامل كم يوم واكمل التاسع وعندي بنوتين الكبيره اول ابتدائي والثانيه لسه خمس سنوات
نفاسي كل مره يكون بيت هلي لكن هالمره اختي اصرت يكون ببيتها نفاسي لان اسكن بعيده عنهم ومحد حولي يعني نصف ساعه بين منطقه اهلي وشقتي
وخصوصا ان بيت هلي محد لي هناك المره ال طافت ماقصرت اختي شالتني مو متزوجه بس صابني اكتئاب حيل تعبني لان محد حولي وصايره ل وحدي وزوجي دايم مشغول
قلت بولد بشقتي بس شقتي صغيره واختي ال بتنفسني الحين ببيتها انا وياها مو بس خوات صديقات الله يخلينا من صغرنا لهذا اليوم اعترضت ورفضت اني اروح ببيتها بس هي مصره وجهزت كل شيء وانا برضو جهزت معاها تجهيزات النفاس
ال موترني الحين ابوي الشهر ال طاف توفى رحمة الله عليه وهو ال حيل قلبه علينا من توفت امي الله يرحمها
صدمة وفاة ابوي للحين ماني قادره استوعبها كل ماذكرت اصيح ونفسيتي تتعب واقوم اقرا قران ينشرح صدري وانبسط اني اقرا له اقول مثل مااهو اسعدنا لازم حنا نسعده صرت احاتي يصيبني اكتئاب النفاس صرت اخاف وزوجي مامقصر علي لكن شغله يبدا بالصيف هالوقت من يطلع الصباح الى الليل حده اذا بيجي يتغدا او مايجي هذا ال مدخلني في دوامة التعب والشتاء يكون شغله قليل واغلب يومه معي انا ولعيال
كل سنه ع هالحال تصير بينا مشاكل اقوله لازم تخصص لك وقت ل شغلك من الصباح اقلها الى العصر او الليل لكن خناق ويقولي رزقي وكذا وكذا وتنتهي بخناق ع فاضي والحين انا ع وجه ولاده مدري احاتي نفسي ولادتي شلون بتكون طفلي بناتي زوجي ... شلون ل رجعت من نفاسي وضعي بيكون بضل طول اليوم بشقتي وهو برا طول يومه واذا تكلمت قال انتي ماتدرين عني اني اتعب وكذا اوك تتعب بس خصص لك وقت حنا حق عليك قال لا انتوا مرتاحين اهم شيء بالبيت وكل شيء واصلكم
شلون اتفادى المشاكل ابي اكون ايجابيه تعبت حتى السواقه رافض اني اتدرب
يعطيكم العافيه كل وحده تمر صفحتي تقرأ الفاتحه ل روح ابوي وامي ولجميع موتانا رحمة الله عليهم