طبعا الكل يعرف سرعة ملل الاطفال بالدراسه
وخاصتا اذا كنتي ادرسينهم لمده طويله
وحلو ان الواحد يجدد معاهم بالدراسه عشان مايحسون بالملل
وقلت ليش ما اغير الطريقه مع اعيالي؟؟؟؟؟
وجت لي فكرت البورد
وحطيته بغرفتهم وكل ما خلصنا الواجبات والدراسه الصجيه رحنا للبورد
ومنها دراسه ومنها لعب ومرح
وخلوني اقولكم الادوات والخطوات
مثل ما انتو شايفين شكله .... كان عندي غطى كرتون وحطيت عليه الورق الابيض حق الطباعه العادي ... ولصقته على الكرتون بهذا الشكل بحيث غطيته كله بالورق الابيض
وبعدين جلدته بالجلاد الشفاف حق الكتب
وحطيت له اطار من اقلام الرصاص ما استعملهم ... وزينته بكم ورده من الفوم
وسويت مثل شكل الرف من اقلام الرصاص ... حتى يثبت قلم البورد عليه .... وطبعا العلاق سويته بعد ما ثقبت الكرتون بالخرامه ... دخلت خيط فيه وربطته بهذا الشكل
وسويت حق كل وحده بورد صغير خاص لها... عشان لما انا اكتب على اللوح هم يكتبون معاي ... وكل وحده اختارت لها شكل فوم لنفسها
وهذى كل سالفة البورد
وصارو يتعلمون عليه بسرعه ... والكبيره فيهم تصير عليهم الابله هههههههههههه واحفظوو الحروف بشكل سريع ... لان الاطفال تحب اللعب اكثر من الدراسه
وان شاء الله تعجبكم الفكره البسيطه اللي عملتها لعيالي
بس الله يعينا على ازعاجهم لان لازم ابلتهم(اختهم الكبيره) تصرخ عليهم كل مره بصوت عالي ههههههههههه
:27:
اذا حابين تعملون البورد ممكن تعملونه على اي قطعه مسطحه من الكرتون مو شرط يكون غطىىىىىى وكل ماكان حجمه كبير راح يطلع احلى ويفرحون فيه الاطفال
وتحياتي للجميع
:27: